Úkimettik emes uıymdarǵa 965 mln teńge bólinedi

ASTANA. QazAqparat - Astanada úkimettik emes uıymdarǵa arnalǵan memlekettik granttyń konkýrsy qorytyndylanyp jatyr, dep habarlaıdy QazAqparat tilshisi.

Azamattyq bastamalardy qoldaý ortalyǵy qańtarda konkýrs jarııalaǵan bolatyn. Bıyl 11 baǵyt boıynsha jalpy somasy 965 mıllıon teńgeni quraıtyn 87 grant berý josparlanǵan. Olardyń arasynda: jastardy qoldaý, turǵyndardyń áleýmettik álsiz toptaryn qoldaý, AITV, týberkýlez týraly aqparattandyrý, t.b. sııaqty taqyryptar boldy.

«87 grantqa 352 ótinish keldi. Іrikteýden soń konkýrsqa 251 ótinish jiberildi. 23 taqyryp boıynsha konkýrs ótken joq, óıtkeni olardyń keıbirine múldem ótinish kelmedi, al keıbiri boıynsha tek bir ǵana ótinish tústi. Ol taqyryptar boıynsha jańa konkýrs ótetinin jarııaladyq. Ótinishter 16 sáýirge deıin qabyldanady», - deıdi Azamattyq bastamalardy qoldaý ortalyǵy basqarma tóraǵasy Nurlan Óteshev.

Baıqaý ótpegen taqyryptar arasynda: jas otbasylarǵa, jas jazýshylarǵa, jýrnalıster men aqyndarǵa qoldaý kórsetý, aýyl turǵyndarynyń qajettilikterin, násilshildik jaǵdaılaryn taldaý, t.b. bar.

Úkimettik emes uıymdarǵa arnalǵan granttar 2016 jyldan beri bar, oǵan qarajatty Din isteri jáne azamattyq qoǵamdy damytý mınıstrligi bóledi. 

Foto: delisle-barrow.co.uk