Úkimettik emes uıymdardyń arqasynda elde temeki shegý men spırtti ishimdikterdi paıdalanýǵa myqty tosqaýyl qoıyldy - Densaýlyq saqtaý mınıstri

sp;ASTANA. Qarashanyń 23-i. QazAqparat /Aıdar Ospanalıev/ - Úkimettik emes uıymdarmen birlesken qımyldar elimizde TMD-ǵa múshe memleketterdiń eshqaısysynda joq, "Densaýlyq saqtaý júıesi men halyq densaýlyǵy týraly" kodekstiń dúnıege kelýine negiz boldy.

 Ekijaqty birlesken qımyldarǵa qatysty erekshe atap ótýge turarlyq másele, biz úkimettik emes uıymdardyń arqasynda temeki shegý men spırtti ishimdikterdi shekten tys paıdalanýǵa erekshe tosqaýyl qoıa aldyq», dedi Densaýlyq saqtaý mınıstri Jaqsylyq Dosqalıev. Bul týraly ol búgin Astanada ótip jatqan IV Azamattyq forým barysynda málim etti, dep habarlaıdy QazAqparat.

 Mınıstrdiń aıtýynsha, Kodeks aıasynda júzege asyrylýy tıis sharalarǵa 12-den astam úkimettik emes uıymdar qamtylǵan. «Jalpy biz bıylǵy jyly úkimettik emes uıymdarmen jáne buqaralyq aqparat quraldarynyń ókilderimen birlesip, dóńgelek ústel otyrystary, baspasóz máslıhattary sııaqty kóptegen sharalar atqardyq. Sondaı-aq birqatar úkimettik emes uıymdarmen 10-nan astam memorandýmdarǵa qol qoıdyq. Onda ekijaqty birlesken qımyldar barysynda qaı organǵa qandaı másele júkteletindigi naqty kórsetilgen. Bul bizdiń yntymaqtastyǵymyzdy nyǵaıtýǵa baǵyttalǵan sońǵy sharalar emes», dedi J.Dosqalıev.