Úkimettik emes uıymdardyń áleýetin damytý týraly semınar bolady
Ony Qazaqstandaǵy AQSh Elshiliginiń Shaǵyn granttar baǵdarlamasynyń qarjylaı jáne «American Corners» aqparattyq-resýrstyq ortalyǵynyń tehnıkalyq qoldaýymen Qazaqstannyń azamattyq alıansy uıymdastyrýda.
Bul shara alıanstyń «Úkimettik emes uıymdar áleýetin kommýnıkatsııany nyǵaıtý, tájirıbe almasý jáne ózara aqparat almasý arqyly damytý» jobasy boıynsha Qazaqstannyń 11 qalasynda júzege asyrylmaq. Oǵan jańa medıa men ınternetti paıdalanyp óz uıymdarynyń jumysyn damytyp, jurtshylyqty, áleýetti seriktester men donorlardy óz qyzmetimen habardar etýge múddeli úkimettik emes uıymdardyń ókilderi qatyspaq. 22 qazanda ol Qaraǵandyda N. Gogol atyndaǵy oblystyq ǵylymı kitaphanada, al 23-i kúni Almatyda Jambyl Jabaev atyndaǵy memlekettik jasósprimder kitaphanasynda ótkeli otyr. Al aldaǵy ýaqytta ol Astana, Pavlodar, Qostanaı, Óskemen, Qyzyljar, Atyraý, Aqtóbe, Oral jáne Shymkent qalalarynda jalǵaspaq.
