Úkimettik emes uıymdardyń 55 paıyzy Almatyda shoǵyrlanǵan

ALMATY. 22 qazan. QazAqparat - Almatyda 6 myńǵa jýyq úkimettik emes uıymdar tirkelgen. Bul   týraly búgin Almatyda ótip jatqan «Áleýmettik seriktestik - áleýmettik turaqtylyq kepili» dep atalatyn konferentsııada aıtyldy.

Ony ishki saıasat basqarmasynyń qoldaýymen «Aqparattyq-resýrstyq ortalyq» qoǵamdyq qory uıymdastyryp otyr. Bul sharanyń basty maqsaty - ózara áriptestiktiń tıimdi júıesin jasaý arqyly memlekettik organdar, úkimettik emes uıymdar jáne bıznestiń azamaattyq qoǵamdy damytý boıynsha ózekti máselelerin talqylaý. Oǵan úkimettik emes uıymdardyń, qalalyq ákimdiktiń salalyq basqarmalarynyń jetekshileri, bıznes qurylymdarynyń ókilderi men qalalyq máslıhat ókilderi qatysýda.

«Elimizdegi úkimettik emes uıymdardyń 55 paıyzy Almatyda shoǵyrlanǵan. Qalada tirkeýde turǵan 6 myńǵa jýyq uıymnyń búgingi tańda 500-i ǵana belsendi túrde jumys jasaýda. Qalalyq bıýdjetten 2011 jyly memlekettik satyp alýda áleýmettik mańyzy bar jobalar baıqaýyna úkimettik emes uıymdarǵa 440 mıllıon teńge bólindi. Onda 225 joba júzege asyryldy. Al bıyl oǵan 110 mıllıon teńge bólinip, 55 uıymmen 42 áleýmettik joba júzege asyrylýda. Jalpy keıbir jobalardy memlekettik organdarǵa qaraǵanda qoǵamdyq uıymdar jaqsy sheshe alady», - deıdi ishki saıasat basqarmasynyń bastyǵy Baqtııar Máken.