Úkimettik emes uıymdar turǵyn úı zańnamasyn saraptamadan ótkizdi
Búgin Astanada ótken jıynda Qazaqstandaǵy parlamentarızmdi damytý qorynyń prezıdenti Záýresh Battalova osylaı aıtty.
Onyń habarlaýynsha, Qazaqstandaǵy parlamentarızmdi damytý qory turǵyn úı salasyndaǵy otandyq zańnamaǵa saraptama jasap, onyń halyqaralyq talaptarǵa saı etip daıarlaýdyń tetikterin ázirledi. «Biz BUU-nyń baspana quqyǵy boıynsha arnaıy bandamashysynyń qatysýymen bul másele boıynsha qoǵamdyq tyńdaýlar ótkizdik. Búginde arnaıy baıandamashynyń barlyq usynys-keńesteri jınaqtaldy. Onyń bári naqty isterge bastaý bola alady», - deıdi Z.Battalova.
Qoǵamdyq uıymnyń jetekshisi atap kórsetkendeı, buǵan deıin Úkimet tarapynan jańa Turǵyn úı kodeksin qabyldaý týraly usynys jasaldy. «Sońǵy bes jyl boıy depýtattardyń aldyna baspanaǵa qoljetimdi jaǵdaı jasaý máselesi boıynsha parlamenttik tyńdaýlardy ótkizý usynysy shyǵarylyp keledi. Biraq naqty nátıje joq. Prezıdent bolsa, bul turǵyn úı máselesin únemi kóterip, onyń júıeli túrde sheshilýin kútip otyr», - deıdi Z.Battalova.
