Úkimettik emes uıymdar týraly jańa zań osy salanyń damýyna esh kedergi keltirmeıdi
Bul týraly búgin «ÚEU-lardyń qoǵam aldyndaǵy ashyqtyǵy men esep berýi» degen taqyrypta ótken "Qazaqstan -2050" jalpyulttyq qozǵalysynyń Sarapshylar klýbynyń ІH otyrysynda QR Mádenıet jáne sport mınıstrligi tilderdi damytý jáne qoǵamdyq-saıası jumys komıteti tóraǵasynyń orynbasary Vasılıı Porýbaımeh málim etti.
«Qazan aıynyń basynda birqatar quqyq qorǵaý uıymdary Prezıdentke «Úkimettik emes uıymdardyń qyzmeti boıynsha birqatar zańnamalyq aktilerge ózgerister men tolyqtyrýlar engizý týraly» zańǵa tyıym salý týraly ótinish bildirgen bolatyn. Sebebi, ol ózgerister eldegi ÚEU-lardyń qyzmetine kesirin tıgizedi degen ótinish berýshi taraptar. Ol ózgeristerdiń arasynda ÚEU-larǵa grant bóletin jańa operator qurý týraly jańalyq bar»,-deıdi ol.
Sózin jalǵastyrǵan V.Porýbaımeh: «Prezıdentke jibergen ótinishte olar Úkimettik emes uıymdardyń qyzmetine kedergi keltiretin jaıttar týraly aıta kele, osy qurylaıyn dep otyrǵan operator Qazaqstandaǵy úkimettik emes uıymdardyń shet elden granttar alýyna jol bermeı, ózin qosa alǵanda, Qazaqstandaǵy bir de-bir ÚEU-nyń shet elden qoldaý alýyna jol bermeıdi dep aıtylǵan. Biraq, bul múlde olaı emes ekenin aıtqym keledi»,-deıdi.
Onyń aıtýynsha, Zań jobasynda «qurylatyn operator memleketten alǵan granttardy úkimettik emes uıymdarǵa bóledi , sondaı-aq erikti túrde sheteldik qarjy kózderinen granttar ala alady» dep taıǵa tańba basqandaı jazylǵan. ıAǵnı, jańa zań ÚEU-lardyń jumysyn tejemeıdi, kerisinshe, bul salanyń damýyna kedergi keltirmeıdi",-dedi sóziniń sońynda ol.
