Úkimettik emes uıymdar qyzmeti týraly málimetterdi ÚEU derekqoryna tapsyrýy kerek - komıtet

NUR-SULTAN. QazAqparat - Azamattyq qoǵam isteri komıteti ÚEU qyzmeti týraly málimetterdi ÚEU derekqoryna tapsyrýǵa shaqyrady, dep habarlaıdy QazAqparat mınıstrliktiń baspasóz qyzmetine silteme jasap.

Komıtettiń aqparaty boıynsha, 2020 jyldyń 31 naýryzynda úkimettik emes uıymdardyń qyzmeti týraly málimetterdi ÚEU derekqoryna usyný merzimi aıaqtalady.

«Osyǵan baılanysty jeke mekeme, qoǵamdyq birlestik (saıası partııalar, dinı birlestikter men kásiptik odaqtar túrinde qurylǵan qoǵamdyq birlestikterdi qospaǵanda), kommertsııalyq emes aktsıonerlik qoǵam (quryltaıshysy nemese aktsıoneri memleket bolyp tabylatyn kommertsııalyq emes aktsıonerlik qoǵamdarǵa qospaǵanda), qoǵamdyq, korporatıvtik jáne jeke qorlar, qaýymdastyq (odaq) nysanyndaǵy zańdy tulǵalar birlestigi nysanyndaǵy úkimettik emes uıymdarǵa, sondaı-aq Qazaqstan Respýblıkasynyń aýmaǵynda qyzmetin júzege asyratyn sheteldik jáne halyqaralyq kommertsııalyq emes uıymdardyń fılıaldary men ókildikterine infonpo.gov.kz veb-portalynda elektrondyq eseptilik nysanyn ýaqtyly toltyrýdy usynady», delingen habarlamada.

Qoldanystaǵy zańnamaǵa sáıkes ÚEU derekqorynda tirkelý memlekettik áleýmettik tapsyrys jáne memlekettik granttar sheńberinde áleýmettik baǵdarlamalardy jáne (nemese) áleýmettik jobalardy iske asyrýǵa, sondaı-aq ÚEU úshin syılyq alýǵa arnalǵan konkýrsqa qatysý úshin mindetti shart bolady.

Málimetti elektrondy túrde infonpo.gov.kz veb-portaly arqyly usyný úshin Halyqqa qyzmet kórsetý ortalyǵynyń jaqyn jerdegi bólimshesinde elektrondyq tsıfrlyq qoltańba alý qajet. Al, málimetti ınternet arqyly tapsyrýǵa múmkindigi joq azamattar úshin poshta arqyly nemese qolma-qol qaǵaz jáne elektrondyq tasyǵyshta (CD-dıski nemese DOC, DOCX formatynda USB-flesh-jınaqtaǵyshta) tapsyrý múmkindigi bar.

ÚEU qyzmeti týraly málimetterdi poshta arqyly nemese qolma-qol ilespe hatpen myna mekenjaıǵa jiberý qajet: 010000, Astana qalasy, Esil aýdany, Máńgilik el dańǵyly, 8, 14-kireberis, QR Aqparat jáne qoǵamdyq damý mınıstrliginiń Azamattyq qoǵam isteri komıteti.

Mınıstrliktiń baspasóz qyzmetiniń habarlaýynsha, ÚEU derekqoryna málimetterdi ýaqtyly usynbaǵany úshin Qazaqstan zańnamasyna sáıkes jaýapkershilik kózdelgen.