Úkimettik emes uıymdar qabyldanyp jatqan zańdardyń saraptamasyna qatysýǵa nıetti

ASTANA. 16 qarasha. QazAqparat - Búgingi tańda qabyldanyp jatqan zańdardyń saraptamasyna úkimetik emes uıymdar da keńinen qatysýy tıis.

Búgin Astanada ótken jıynda Qazaqstandaǵy parlamentarızmdi damytý qorynyń prezıdenti Záýresh Battalova osy máseleni kóterdi.

«Qazirgi kezde ondaı saraptamaǵa úkimettik emes uıym retinde tirkelgen jalǵyz «Atameken» Odaǵy qatysyp júr. Biraq ol tek shaǵyn jáne orta bıznes máselesin ǵana qarastyra alady. Al áleýmetik sala problemalaryn halyqtyń arasynda júrgen úkimettik emes uıymdar kóterip, tıisti zańnamanyń sarapatamasyn ótkizýi tıis. Ol úshin ondaı uıymdardy arnaıy tirkeýden ótkizip, olardyń quqyqtaryn zańdy túrde bekitý qajet-aq», - deıdi Z.Battalova.

Aıta keteıik, buǵan deıin Elbasy Nursultan Nazarbaev el zańnamasyn qaıta qarap, túgendep shyǵýdy tapsyrǵan. «Osy oraıda úkimettik emes uıymdar otandyq zańnamany túgendep qana qoımaı, ony jetildirýge kómektese alady», - dep atap kórsetti Z.Battalova.