Úkimettik emes uıymdar da Məjilis úndeýin qoldaıdy - A.Shəýeev
«Parlament Májilisindegi úsh partııa fraktsııalarynyń Elbasyna jasaǵan usynysyn óz basym jeke Qazaqstannyń qatardaǵy azamaty retinde de, úkimettik emes uıymdardyń, qoǵamdyq uıymdardyń ókili retinde de qoldaımyn. Qazaqstandaǵy kózi ashyq, kókiregi oıaý azamattardyń barlyǵy qoldaıdy dep oılaımyn. Jas memleketimiz úshin tarıhı kezeń bolyp otyr. Óıtkeni, qazir álemdi ekonomıkalyq daǵdarys, geosaıası túrli kıkiljińder sharpyp jatyr. Osy ekonomıkalyq daǵdarysqa toıtarys berý maqsatynda merzimnen buryn parlamenttik saılaý ótkizgenimiz jón bolady»,-deıdi A.Shəýeev.
Qor dırektory atap ótkendeı, qazir jumys istep jatqan Májilis óziniń tarıhı mindetin abyroımen atqaryp shyqty.
«Sebebi, Memleket basshysynyń bes ınstıtýttyq reformasyn, elimizdi jańartýdy júzege asyrýǵa qajetti zańdar jasap berdi. Sonymen qatar, əlemdik ekonomıkalyq daǵdarystyń aldyn alatyn túrli sharalar bekitti. Sondyqtan, meniń oıymsha, jańa jumysty, jańa belesti baǵyndyrý úshin parlamenttiń boıyna qan júgirse, Ult josparyndaǵy jańa mindetterdi biz de moınymyzǵa alsaq deıtin jańa partııalar kelse, ekonomıkalyq daǵdarysqa toıtarys bere alamyz. Al, parlamenttik saılaýdy merziminen buryn ótkizýden ne utamyz desek, eń birinshiden, bul usynysty Elbasy ózi saralap, sheshimin aıtary anyq. Eger de Memleket basshysy qazirgi Parlamentti taratyp, merziminen buryn saılaý ótkizý týraly tapsyrma berse, eń aldymen utarymyz - 5 ınstıtýttyq reformany kún keshiktirmeı praktıkalyq turǵyda iske asyra bastaımyz. Ekinshiden, bıýdjettiń qarjysyn únemdeımiz, sebebi, məjilis saılaýymen qatar, məslıhat saılaýyn ótkizý usynylyp otyr. Úshinshiden, əlemdik qaýymdastyq aldynda Qazaqstannyń jedel sheshim qabyldaıtyn, damýshy el ekenin dəleldeı túsemiz»,-dep atap ótti A.Shəýeev.
