Úkimettik emes uıymdar bıliktiń senimdi áriptesine aınaldy - M.Qul-Muhammed

sp; ASTANA. Qarashanyń 11-i. QazAqparat /Gúlmıra Álıakparova/ - Úkimettik emes uıymdar bıliktiń senimdi áriptesine aınaldy. Bul týraly búgin Astanada ótken QR Úkimetiniń janyndaǵy Úkimettik emes uıymdarmen ózara is-qımyl jónindegi úılestirý keńesiniń VІІІ-shi otyrysynda QR Mádenıet jáne aqparat mınıstri Muhtar Qul-Muhammed aıtty,

dep habarlaıdy QazAqparat.

 «Ózderińizge belgili, Qazaqstan Respýblıkasynyń Ata zańymen kepildengen quqyqtardyń biri - azamattardyń birlesý erkindigi. Álemdik tájirıbege súıenip, búgingi tańda Qazaqstannyń azamattyq sektory Úkimettiń, bıliktiń laıyqty áriptesi bolyp otyrǵandyǵyn erekshe atap ótkim keledi. Osy turǵydan alǵanda, Elbasy N.Nazarbaevtyń qoǵamdy demokratııalandyrý saıasatynyń arqasynda, elimizde kóptegen ıgilikti ister atqaryldy. Sonyń ishinde, keıingi jyldardyń belesinde Qazaqstanda memlekettik emes uıymdarmen qoıan-qoltyq jumys isteý tájirıbesi qalyptasty. Bir sózben aıtqanda, ÚEU bıliktiń senimdi áriptesine aınaldy», - dep atap ótti ol.

 Mınıstrdiń aıtýynsha, qoǵamdaǵy ártúrli ıgilikti istermen aınalysyp otyrǵan ÚEU-larǵa bılik tarapynan qoldaý kórsetý úshin Qazaqstanda, eń aldymen, zańnamalyq baza jetildirilip, «Memlekettik áleýmettik tapsyrys týraly» QR Zańy qabyldandy.

 «Osy Zańnyń sheńberinde memlekettik emes sektorǵa memlekettik tapsyrystar berile bastady. Bul bılik pen memlekettik emes sektordyń arasynda tamasha áriptestik ornatýǵa negiz boldy. Osynyń barlyǵy Qazaqstan qoǵamynyń barǵan saıyn demokratııalandyrylyp kele jatqandyǵynyn aıqyn dáleli dep aıtýǵa tolyq negizimiz bar. Mine osynyń arqasynda Qazaqstan TMD elderi ishinde birinshi bolyp 2010 jyly EQYU-ǵa tóraǵalyq etkeli otyr»,  dedi vedomstvo basshysy.