Úkimettik emes sektor ókilderi Qazaqstannyń el birligi doktrınasyn talqylaýǵa belsendi aralasqandary durys - Mádenıet jáne aqparat mınıstrligi

sp;ASTANA. Qarashanyń 23-i. QazAqparat /Aıdar Ospanalıev/ - «Men úkimettik emes sektordy jańa birlesken jobalardy júzege asyrýǵa shaqyramyn. Qazirgi tańda Qazaqstannyń el birligi doktrınasy qoǵam arasynda keńinen talqylanýda. Elbasy tikeleı jeli arqyly joldanǵan saýaldarǵa jaýap berý kezinde elimiz úshin strategııalyq mańyzdy qujatty talqylaý sharalaryna elimizdiń barlyq ıntelektýaldy áleýetin jumyldyrý qajettigin atap ótken bolatyn. Sondyqtan úkimettik emes uıymdar osy isti júzege asyrýǵa belsendi atsalyssa ıgi bolar edi»,

dedi búgin Mádenıet jáne aqparat mınıstrliginiń  jaýapty hatshysy Janna Qurmanǵalıeva. Bul týraly ol Astanada ótip jatqan IV Azamattyq forým barysynda málim etti, dep habarlaıdy QazAqparat.

 Sondaı-aq ol Mádenıet jáne aqparat mınıstrligi azamattar tarapynan kóterilgen bastamalardy júzege asyrýǵa ázir ekendigin atap ótti.

«Bul oraıda ekijaqty birlesken qımyldardyń bolashaǵynan zor úmit kúttiretini - ultaralyq, konfessııaaralyq birlikti nyǵaıtýǵa, memlekettik tildi damytýǵa, qazaqstandyqtardyń shyǵarmashylyq áleýetin arttyrýǵa baǵyttalǵan sharalar», dedi mınıstrlik ókili.

 Sondaı-aq onyń aıtýynsha, úkimettik emes uıymdar ózderiniń qyzmet aýqymyn keńeıtkenderi de jón. Óıtkeni qazir atalmysh uıymdardyń ókilderi tek iri qalalarda ǵana belsendi qyzmet etýde.