Úkimetten bólingen 236 mlrd teńgeniń jartysynan kóbi ıgerilmegen – Smaıylov

NUR-SULTAN. QazAqparat –Úkimet basshysynyń orynbasary Álıhan Smaıylov memlekettik organdar men jergilikti atqarýshy organdardyń basshylaryna bıýdjet qarajatyn tezirek ıgerý kerektigin eskertti, dep habarlaıdy QazAqparat tilshisi.

«Sonymen birge qarjy jylynyń aıaqtalýyna 55 jumys kúni qaldy. Naqtylaýdy eskere otyryp, osy jyldyń sońyna deıin 4,2 mlrd teńgeni ıgerý qajet. Keıbir shyǵystar boıynsha áli kúnge deıin konkýrstyq rásimder aıaqtalmaǵanyn kórip otyrmyz. Josparlanǵan bıýdjettik baǵdarlamalardan basqa shuǵyl maqsattarǵa Úkimet rezervinen qosymsha 236 mlrd teńge bólingen. Qazirgi tańda bar bolǵany onyń 111 mlrd teńgesi nemese 47 paıyzy ǵana ıgerildi», - dedi dedi Álıhan Smaıylov Úkimet otyrysynda.

Ol sondaı vedomstvo men ákimdikterdiń basshylaryna eskertý jasady.

«Memlekettik organdar men jergilikti atqarýshy organdardyń birinshi basshylary bıýdjettik baǵdarlamalardyń tıimdiligi men nátıjeliligin qamtamasyz ete otyryp, bıýdjet qarajatynyń ýaqtyly ıgerilý máselesin erekshe baqylaýda ustaýy qajet», - dedi Álıhan Smaıylov.