Úkimetten 2442 fýnktsııanyń 1606-sy ortalyq atqarýshy organǵa berilmek
ASTANA. QazAqparat - Úkimetten 2442 fýnktsııanyń 1606-sy ortalyq atqarýshy organǵa berilmek. Bul týraly búgin Senatta «QR Úkimeti týraly» QR Konstıtýtsııalyq Zańyna ózgerister engizý týraly» QR Konstıtýtsııalyq Zaańynyń jobasy, «QR-nyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» QR Zańynyń jobasy boıynsha baıandama jasaǵan Ulttyq ekonomıka mınıstri Erbolat Dosaev aıtty.
«Úkimetten 2442 fýnktsııanyń 1606-sy ortalyq atqarýshy organdarǵa berý usynylyp otyr», - dedi ol.
Mınıstrdiń paıymynsha, osy arajikti ajyratý Úkimettiń júktemesin azaıtýǵa yqpal etetin bolady jáne tıisinshe memlekettik saıasatty qalyptastyrý men ony iske asyrýǵa múmkindik beredi. Onyń ishinde mınıstrlikterdiń tıisti salada memlekettik saıasatty iske asyrý jónindegi normatıvtik quqyqtyq aktilerdi bekitýi, mınıstrlikter ókilettikterine jatatyn máseleler boıynsha ortalyq jáne jergilikti atqarýshy organdardyń qyzmetin qadaǵalaý men baqylaýdy júzege asyrýy, kórsetiletin memlekettik qyzmetterdi ázirleý jáne bekitý, memlekettik organdardyń strategııalyq josparlaryn bekitýi boıynsha ókilettikterin keńeıtý ári ókilettikterdi kúsheıtý arqyly ortalyq atqarýshy organdardyń jaýapkershiligin arttyrý qarastyrylady.
«Máselen, áleýmettik salada 3 kodeks pen 18 zańnamalyq aktige túzetýler engizý arqyly Úkimettiń ár túrli qaǵıdalardy, erejelerdi, talaptardy, nysandardy bekitý boıynsha 98 fýnktsııasy mınıstrlikterdiń deńgeıine ótedi. Aýyl sharýashylyǵy salasynda 227 fýnktsııa, kólik, baılanys jáne kommýnıkatsııalar salasynda 225 fýnktsııa, energetıka salasynda 83 fýnktsııa mınıstrlikke beriledi», - dedi E.Dosaev.
