Úkimette jylytý maýsymynyń barysy týraly esep tyńdaldy
ASTANA. 2 qarasha. QazAqparat /Marlan Jıembaı/ - Búgin Úkimet otyrysynda Indýstrııa jáne jańa tehnologııalar vıtse-mınıstri Berik Qamalıev respýblıkadaǵy jylytý maýsymyna daıyndyq barysy týraly esep berdi.
«1 qarashadaǵy jaǵdaı boıynsha ári kúntizbelik josparǵa sáıkes elimizdiń elektr stansylarynda 3 energııa blokqa, 41 qazandyqqa, 30 týrbınaǵa kúrdeli jáne ortasha jóndeý jumystary júrgizildi. Bul ótken jyldyń sáıkes kezeńimen salystyrǵanda 3 qazandyq pen 7 týrbınaǵa artyq», - dedi ol.
Vıtse-mıınstrdiń alǵa tartqan derekterine qaraǵanda, elimizde 31755 shaqyrym nemese kúntizbelik jospar boıynsha 101 paıyz elektr jelileri jóndelgen.
Sondaı-aq B.Kamalıevtiń atap ótýinshe, elimizdegi elektr stansylarynda 3,6 mln. tonna kómir men 120 myń tonnadan astam mazýt bar.
