Úkimette veterınarııa máselelerine arnalǵan keńes ótkiziletin bolady
ANA. Qazannyń 27-si. QazAqparat /Qanat Mámetqazyuly/ - Búgin QR Parlamenti Májilisinde «2011-2013 jyldarǵa arnalǵan respýblıkalyq bıýdjet týraly» zań jobasyn maquldanýyna qatysty sóz sóılegen QR Premer-Mınıstri Kárim Másimov Úkimette aldaǵy ýaqytta veterınarııa máselelerine arnalǵan keńes ótkiziletinin málim etti.
«Búgingi Májilistiń otyrysynda sharýa qojalyqtary jónindegi zań jobasyn talqylaý barysynda birqatar oryndy máseleler kóterildi. Atap aıtqanda, veterınarııaǵa qatysty saýaldar boldy. Rasynda, bul salada problemalar barshylyq. Soǵan oraı men Úkimettiń arnaıy keńesin, ne bolmasa osy máselelerdi qamtıtyn otyrysty ótkizý týraly tapsyrma beremin», - dedi Premer-Mınıstr.
Sonymen qatar, Úkimet basshysy vıtse-premer Ómirzaq Shókeevke atalǵan máseleni óz baqylaýynda ustaýdy júktedi. «Problema bar. Sondaı-aq jobany talqylaý barysynda depýtattar kótergen máseleni sheshý qajet. Sol úshin aldaǵy ýaqytta ótkizý josparlanǵan osy máselege qatysty jıynǵa qatysýlaryńyzǵa bolady», - dedi K. Másimov.
