Úkimette turǵyn úı sektorynda órt qaýipsizdigin arttyrý máselesi talqylandy

ASTANA. QazAqparat - Búgin QR Úkimetinde QR Premer-Mınıstriniń Birinshi Orynbasary A. Mamınniń tóraǵalyǵymen Tótenshe jaǵdaılardy eskertý jáne joıý jónindegi vedomstvoaralyq memlekettik komıssııa otyrysy ótti, dep jazady primeminister.kz.

Otyrys barysynda elimizdiń turǵyn úı sektorynda órt qaýipsizdigin odan ári qamtamasyz etý sharalary qaraldy.

Otyrysqa Komıssııa músheleri, memlekettik organdardyń basshylary qatysty. Sharaǵa beınekonferentsııa baılanysy arqyly oblystardyń, respýblıkalyq mańyzy bar qalalardyń ákimderiniń orynbasarlary, tótenshe jaǵdaılar jónindegi departamentterdiń basshylary qatysty.

Premer-Mınıstrdiń bıyl 5 aqpanda QR Úkimetiniń otyrysynda bergen tapsyrmalaryn oryndaý aıasynda QR Іshki ister mınıstrliginiń Tótenshe jaǵdaılar komıtetiniń bólimsheleri respýblıkalyq jáne óńirlik deńgeılerde órttiń aldyn alý jumystaryn uıymdastyrý jónindegi shtabtar qurý jumystaryn bastady.

Jylytý kezeńiniń sońyna deıin turǵyn úı sektoryndaǵy órtterdi boldyrmaý boıynsha aldyn alý is-sharalaryn iske asyrý jumystary jalǵasady. Budan bózge, kúndelikti ómirde órt qaýipsizdigi salasyndaǵy bilimi bar azamattardyń sanyn arttyrý, sondaı-aq túsindirý jumystarynyń sapasyn jaqsartý boıynsha qosymsha sharalardy iske asyrý josparlanyp otyr.