Úkimette mınıstr Bıshimbaevtyń tirkeý kartochkasy istemeı qaldy
ASTANA. QazAqparat - Úkimettiń búgingi otyrysynda ulttyq ekonomıka mınıstri Qýandyq Bıshimbaevtyń tirkeý kartochkasy istemeı qaldy, dep xabarlaıdy QazAqparat tilshisi.
Otyrys barysynda Mınıstrler kabıneti kelesi jylda zań qabyldaý jumysyna qatysty qaýlyny maquldaǵan bolatyn. Qujatty maquldaý úshin barlyq mınıstrler óz kartochkalaryn salyp, daýys berý júıesine tirkelýi kerek. Alaıda birden Qýandyq Bıshimbaevtyń tirkelmegeni týraly xabar berildi. Mınıstr: "Meniki istemeı tur", - dep aqtaldy. Artynan din isteri jáne azamattyq qoǵam mınıstri Ermekbaev myrzanyń da tirkeýden ótpegeni anyqtaldy. Osy kezde Úkimet basshysy eki mınıstrdiń tirkeýden ótýin surady. Alaıda mınıstr Bıshimbaev texnıkanyń istemeı qalǵanyn taǵy da alǵa tartty. Oǵan Úkimet basshysy: "Siz kartochkany qaıtadan salyńyz. Mine, qosyldy. Endi, daýys beremiz", - dep kómektesti. Sosyn "jyldyń sońynda kúsh te qalmaǵan, tehnıka bolsa istep tur, qol dirildep tur ma" dep qaljyńdap qoıdy.
