Úkimette memlekettik shyǵystardyń tıimdiligin taldaý ádistemesin qurý máselesi qaraldy

NUR-SULTAN. QazAqparat - Premer-Mınıstrdiń orynbasary – Saýda jáne ıntegratsııa mınıstri Baqyt Sultanov memlekettik shyǵystardyń áleýmettik-ekonomıkalyq tıimdiligin taldaý ádistemesin ázirleý boıynsha ahýal jóninde keńes ótkizdi. QazAqparat bul týraly primeminister.kz saıtyna silteme jasap habarlaıdy.

QR Prezıdenti aǵymdaǵy jylǵy 8 aqpanda Úkimettiń keńeıtilgen otyrysynda Memlekettik shyǵystardyń áleýmettik-ekonomıkalyq tıimdiligin taldaý ádistemesin ázirleý mindetin qoıdy.

Ádistemeni ázirleý jumystarynyń barysy týraly Qarjy mınıstrliginiń, Ulttyq ekonomıka mınıstrliginiń, Esep komıtetiniń birinshi basshylarynyń orynbasarlary baıandady.

Taldaý memlekettik shyǵystardyń áleýmettik áserin kórsetýi tıis: jumyspen qamtýdy qamtamasyz etý, qyzmetkerlerdiń kiristerin ulǵaıtý, jumys kúshiniń sapasyn jetildirý, sondaı-aq salyq salynatyn bazany keńeıtýdi jáne tólenetin salyqtar kólemin ulǵaıtýdy qosa alǵanda, ekonomıkalyq áserdi baǵalaý.

B. Sultanov Taldaýdy ázirleý barysynda 2018 jyldan bergi barlyq Memlekettik baǵdarlamalar boıynsha bıýdjet qarajatyn jumsaý tájirıbesine áleýmettik-ekonomıkalyq analızdiń retrospektıvasyn eskerýdi tapsyrdy.

Bul rette Úkimettiń, Strategııalyq josparlaý agenttiginiń jáne Esep komıtetiniń kúsh-jigerin úılestirý qajet.