Úkimette Memleket basshysynyń Joldaýyn iske asyrýdyń aralyq qorytyndysy shyǵaryldy

NUR-SULTAN. QazAqparat – QR Premer-Mınıstri Prezıdenttiń Joldaýyn iske asyrý boıynsha Jalpyulttyq is-sharalar josparyn oryndaý (JUJ) máselesi boıynsha keńes ótkizdi. Bul týraly QazAqparatprimeminister.kz silteme jasap habarlaıdy.

QR ulttyq ekonomıka mınıstri R. Dálenov Úkimetke bekitilgen 64 JUJ tarmaǵynyń 34-i oryndalǵanyn, qalǵany oryndalý ústinde ekenin baıandady.

Jalpyulttyq is-sharalar josparynyń sharalaryn iske asyrý barysy týraly QR aqparat jáne qoǵamdyq damý mınıstri D. Abaev, QR ındýstrııa jáne ınfraqurylymdyq damý mınıstri B. Atamqulov, QR aýyl sharýashylyǵy mınıstri S. Omarov, sondaı-aq qarjy mınıstriniń birinshi orynbasary B. Sholpanqulov pen ishki ister mınıstriniń orynbasary A. Kalaıchıdı baıandady.

JUJ-dyń ınvestıtsııalardy tartý kólemin arttyrý, ınvestıtsııalyq ahýaldy jetildirý jáne eksportty yntalandyrý, memlekettik basqarý reformasyn júrgizý, onyń ishinde memlekettik qyzmetkerler men kvazımemlekettik sektor qyzmetkerleriniń sanyn ońtaılandyrý, salyq júıesin jańǵyrtý jáne t. b. boıynsha tarmaqtaryna erekshe nazar aýdaryldy.

Úkimet basshysy QR Prezıdentiniń 2019 jylǵy 2 qyrkúıektegi Joldaýyn iske asyrý boıynsha Jalpyulttyq is-sharalar josparynyń barlyq tarmaqtaryn sapaly ári ýaqytyly oryndaýdy qamtamasyz etýdi tapsyrdy.