Úkimette Qyrǵyzstanmen transshekaralyq ózender máselesin sheshý máselesi kóterildi
«Ózderińiz jaqsy bilesizder, bıyl bizde taǵy da qýańshylyq bolaıyn dep tur. Soǵan baılanysty bar sýdy únemdeýimiz kerek. Ol úshin jańa tehnologııalardy, tamshylatyp sýǵarý júıesin engizý kerek. Byltyrdan beri jerasty sýyn paıdalanýdy qolǵa alyp jatyrmyz. Jalpy bizdiń óńirde 700-jýyq uńǵyma bar. Sonyń 70-ke jýyǵyn bıyl iske qosamyz», - degen Berdibek Saparbaev Premer-Mınıstr Álıhan Smaıylovtan kómek surady.
«Sýǵa baılanysty biz mınıstrlikpen jumys istep jatyrmyz. Osy jerde sizdiń kómegińiz kerek. Kórshi memleketten Shý, Talas ózenderi arqyly Kırov jáne Orta Toqaı sý qoımalarynan alynatyn sýdyń kólemin 550, 470 mln tekshe metr bolýy kerek. Ózińizdiń áriptesińizben sóılesip, kelisimshartqa sáıkes sý alsaq jaqsy bolar edi», - dedi ol Úkimet otyrysynda.
Sondaı-aq ol aýyl sharýashylyǵy sýbsıdııalaryn jergilikti bıýdjet esebeninen tóletý bastamasy týraly pikir bildirdi.
«Taǵy bir ótinish sýbsıdııaǵa baılanysty. Aýyl sharýashylyǵy mınıstrligimen jumys istep jatyrmyz. Siz (QR Úkimet basshysy Álıhan Smaıylov- avt. ) tapsyrma berseńiz, osy aıda tezirek berile bastasa. Mınıstrlikte sýbsıdııany tolyq jergilikti bıýdjetke beremiz degen áńgime júrip jatyr. Jergilikti bıýdjettiń jaǵdaıy qalaı ekenin ózińiz jaqsy bilesiz. Sondyqtan jergilikti bıliktermen birge taǵy da pysyqtasa...», -dedi Jambyl oblysynyń ákimi Úkimet basshysyna qarata aıtqan sózinde.
