Úkimette quqyq qorǵaý júıesin reformalaýǵa qatysty zań jobalary paketi maquldandy
ASTANA. Qazannyń 5-i. QazAqparat /Rýslan Ǵabbasov/ - Búgin Úkimette quqyq qorǵaý júıesin reformalaýǵa qatysty zań jobalary paketi maquldandy. Úkimet otyrysynda zań jobalaryn qarastyrý kezinde Premer-Mınıstr Kárim Másimov bul qujattarda Elbasy tarapynan berilgen barlyq tapsyrmalar eskerilgenin atap ótti.
Osy oraıda Úkimet basshysy zań jobasyn ázirleýge qatysqandarǵa, Úkimet múshelerine, Prezıdent apparatyna qysqa merzimde júktelgen barlyq mindetterdi ýaqtyly oryndaýyna baılanysty alǵysyn bildirdi.
Sonymen qatar «Nur Otan» partııasynan, Parlament depýtattarynan bul zań jobalarynyń talqylanýy úderisinde qoldaý kórsetýdi surady. «ıAǵnı, bul zań jobalary biryńǵaı paketpen qańtardyń 1-ine deıin Elbasynyń qol qoıýyna usynylýy úshin, sondaı-aq 2011 jyly jańa quqyqtyq keńistikke aıaq basý úshin qajet», dep atap ótti K. Másimov.
