Úkimette Qaraǵandy oblysynyń Jezqazǵan, Sátbaev qalalary men Ulytaý aýdanyn damytý josparynyń júzege asyrylýy qaraldy
ASTANA. QazAqparat - Búgin Úkimet úıinde QR Premer-Mınıstriniń birinshi orynbasary Baqytjan Saǵyntaevtyń tóraǵalyǵymen 2012-2020 jyldarǵa arnalǵan Qaraǵandy oblysynyń Jezqazǵan, Sátbaev qalalaryn jáne Ulytaý aýdanyn áleýmettik-ekonomıkalyq damytýdyń keshendi josparyn júzege asyrý máseleleri boıynsha keńes ótti.
Bul týraly Úkimet basshysynyń baspasóz qyzmeti habarlady.
Keńeske ortalyq memlekettik organdardyń, Qaraǵandy oblysy ákimdiginiń jáne «Qazaqmys» korporatsııasy» JShS ókilderi qatysty.
Keshendi jospardy oryndaý barysy qaraldy, ony júzege asyrýǵa qarjylandyrýdyń barlyq kózderinen 351,5 mlrd. teńge kózdelgen. Búginde onyń 33,4 mlrd. teńgesi ıgerildi.
2012-2020 jyldarǵa arnalǵan keshendi josparǵa 88 is-shara engizilgen, 2012-2014 jyldardaǵy kezeńde olardyń 13-i aıaqtaldy.
Ulytaý aýdanyndaǵy Nıkolskoe kenishinen qurylys tastaryn óndirý uıymdastyryldy, «Jezqazǵan qalasynyń ortalyq aýrýhanasy» KMK men «Sátbaev qalasynyń qalalyq emhanasy» KMK medıtsınalyq jabdyqtarmen jaraqtanýy qamtamasyz etildi. Sonymen birge, Jezqazǵan qalasyndaǵy mamandandyrylǵan emdeý-aldyn alý kásiporyny, Ulytaý aýylyndaǵy ortalyq aýdandyq aýrýhana medıtsınalyq jabdyqtarmen jabdyqtalyp, ǵımarattary kúrdeli jóndeýden ótkizildi, sondaı-aq Jezqazǵan qalasyndaǵy tigin óndirisi jańartylyp, keńeıtildi jáne basqa da jumystar atqaryldy. 2015 jyly taǵy 17 is-sharany aıaqtaý kútilýde.
Keńes qorytyndysymen B.Saǵyntaev ortalyq jáne jergilikti atqarýshy organdarǵa josparda kózdelgen is-sharalardy der kezinde oryndaý jóninde birqatar tıisti tapsyrmalar berdi.
