Úkimette Germanııamen mashına jasaý salasyn damytý máselesi talqylandy
NUR-SULTAN. QazAqparat - QR Premer-Mınıstriniń orynbasary Roman Sklıardyń tóraǵalyǵymen 50-den astam germandyq kompanııa basshylarynyń qatysýymen kezekti veb-konferentsııa ótti. Bul týraly primeminister.kz.
Іs-shara mashına jasaý salasyndaǵy eki jaqty yntymaqtastyqty damytýǵa, sondaı-aq QR Prezıdenti Qasym-Jomart Toqaevtyń 2019 j. 2020 j. basynda GFR-ǵa sapary aıasynda german bıznesimen kezdesýi barysynda qol jetkizilgen ýaǵdalastyqtardy is júzinde júzege asyrýǵa arnaldy.
« Qazaqstan ekonomıkasynyń ózin-ózi qamtamasyz etýine jáne qolda bar qýatty shıkizat bazasy negizinde ındýstrııalyq ónerkásipte jańa óndiristerdi damytýǵa erekshe kóńil bólinetin bolady. Óńdeýshi ónerkásipke basty nazar aýdara otyryp, ártaraptandyrylǵan ekonomıka qurý bizdiń ekonomıkamyzdyń damýynyń erekshe basymdyǵ y «, - dedi Roman Sklıar.
Germanııa ekonomıkasy Shyǵys komıtetiniń basqarýshy dırektory M. Harms Qazaqstan men Germanııa arasyndaǵy jan-jaqty saýda-ekonomıkalyq jáne ınvestıtsııalyq yntymaqtastyqty damytýdyń mańyzdylyǵyn atap ótip, daǵdarystyń GFR ónerkásip salasyna teris áserin azaıtý jónindegi sharalar týraly habarlady.
Onlaın-kezdesý barysynda «QMJO» ZTB Basqarma tóraǵasy Meıram Pishembaev Germanııa kapıtaly bar kompanııalardy qosa alǵanda, elimizdegi 40 mashına jasaý kásiporny bar bıznes-qaýymdastyqtyń qyzmeti týraly aıtty. Óz sózinde ol Qazaqstanda mashına jasaý salasyn damytýdyń perspektıvalaryna, 2019-2024 jyldarǵa arnalǵan Jol kartasyn iske asyrýǵa jáne ónerkásipti damytý qoryn qurýǵa erekshe nazar aýdardy.
Veb-konferentsııanyń sońynda pikirtalas óttip, onyń barysynda qatysýshylar saýda-ekonomıkalyq baılanystardy jandandyrý týraly sóz etti, birqatar praktıkalyq máselelerdi talqylap, bolashaqta osyndaı kezdesýlerdi júıeli túrde ótkizýdi jalǵastyrýǵa kelisti.
