Úkimette Elbasynyń Joldaýyn júzege asyrýdyń Jalpyulttyq is-sharalar jospary tanystyryldy
ASTANA. QazAqparat - Búgin Úkimet otyrysynda QR Ulttyq ekonomıka mınıstri Erbolat Dosaev Elbasynyń Joldaýyn júzege asyrýdyń Jalpyulttyq is-sharalar josparyn tanystyrdy.
«QR Prezıdenti Nursultan Nazarbaevtyń 2015 jylǵy 30 qarashadaǵy «Qazaqstan jańa jahandyq naqty ahýalda: ósý, reformalar, damý» atty Qazaqstan halqyna Joldaýyn iske asyrý maqsatynda qaraýlaryńyzǵa Jalpyulttyq is-sharalar josparynyń (Jalpyulttyq jospary) jáne Úkimet pen Ulttyq Banktiń ekonomıkalyq jáne áleýmettik turaqtylyqty qamtamasyz etý jónindegi 2016-2018 jyldarǵa arnalǵan daǵdarysqa qarsy is-qımyl josparynyń (budan ári - Daǵdarysqa qarsy jospar) jobalary engiziledi. Jalpyulttyq jospar Memleket basshysy atap ótken 10 jylǵa arnalǵan nysanaly ındıkatorlardy jáne 5 baǵyt boıynsha 39 is-sharany qamtıdy»,-dedi mınıstr.
E. Dosaevtyń sózine qaraǵanda, Jalpyulttyq jospardy iske asyrýda ázirlengen Daǵdarysqa qarsy jospar Memleket basshysy 2015 jylǵy 30 qarashadaǵy Joldaýynda bergen joǵaryda atalǵan 5 negizgi baǵytqa sáıkes barlyq tapsyrmalardy qamtıdy.
«Daǵdarysqa qarsy jospar «100 naqty qadam» Ult jospary sheńberindegi reformalardy tereńdetý jónindegi, Memleket basshysynyń 2015 jylǵy 18 qarashadaǵy Úkimettiń keńeıtilgen otyrysynda bergen tapsyrmalaryn oryndaý jónindegi sharalardy, 2015-2016 jyldarǵa arnalǵan jedel sharalar men «erekshe kezeń», sondaı-aq ekonomıkany dollarsyzdandyrý josparlarynyń ótpeli is-sharalaryn qamtıdy»,-dep atap ótti Ulttyq ekonomıka mınıstri.
Daǵdarysqa qarsy jospar 2 bólimnen turady:
1) Memleket basshysy 2015 jylǵy 30 qarashadaǵy Qazaqstan halqyna Joldaýynda aıqyndaǵan 5 negizgi basymdyq sheńberinde jańa qurylymdyq ekonomıkany qalyptastyrý;
2) ekonomıkanyń ósýin jáne oǵan kredıt berýdi yntalandyrý boıynsha jedel sharalar.
