Úkimette egis naýqanynyń qarsańynda ishki naryqty janar-jaǵarmaımen qamtamasyz etý sharalary qaraldy

ASTANA. QazAqparat - QR Premer-Mınıstri Álıhan Smaıylovtyń tóraǵalyǵymen ótken keńeste Qazaqstannyń ishki naryǵyn janar-jaǵarmaı materıaldarymen qamtamasyz etý máseleleri talqylandy.

Bul týraly QazAqparat Úkimettiń resmı saıtyna silteme jasap habarlaıdy.

Atap aıtqanda, egis naýqanynyń qarsańynda ishki naryqty munaı ónimderimen tolyqtyrý, deldaldyq shemalardyń aldyn alý, sondaı-aq jalpy saýda-sattyqtyń ashyqtyǵyn arttyrý sharalary qaraldy.

Talqylaýǵa Energetıka mınıstrliginiń, «Samuryq-Qazyna» AQ jáne «QazMunaıGaz» ulttyq kompanııasynyń basshylary qatysty.

Premer-Mınıstr óndirýshileriń ishki naryqqa janar-jaǵarmaı materıaldaryn úzdiksiz jetkizýin qamtamasyz etý, sondaı-aq kez kelgen jaǵdaıǵa ýaqytyly jedel áreket etý úshin qorlar men satylymdarǵa turaqty rejımde monıtorıng júrgizý qajettigine nazar aýdardy.

Foto: primeminister.kz