Úkimette bıýdjet týraly zańdy iske asyrý máseleleri qaraldy
«2018-2020 jyldarǵa arnalǵan respýblıkalyq bıýdjet týraly» QR zańyna ózgerister men tolyqtyrýlar engizý týraly» zańnyń iske asyrylýy týraly qarjy mınıstri Baqyt Sultanov baıandady.
Joba Memleket basshysynyń 27 sáýirde Bes áleýmettik bastamany qarjylandyrý úshin qol qoıǵan, osy jyldyń respýblıkalyq bıýdjetine ózgerister engizý týraly zańyn júzege asyrý maqsatynda ázirlengen.
Qarjy mınıstriniń aıtýynsha, jalpy alǵanda, naqtylaý kezinde bıýdjet shyǵyndary 417 mlrd teńgege ulǵaıdy. Osylaısha, óńirlerge maqsatty aǵymdaǵy transfertterdi bólý - 99,7 mlrd teńgege ósip, 293,6 mlrd teńgeni quraıdy, al damýǵa maqsatty transfertterdi bólý - 98,4 mlrd teńgege artyp, 449,3 mlrd teńgeni quraıdy.
Respýblıkalyq bıýdjettik ınvestıtsııalar, jarǵylyq kapıtaldy tolyqtyrý men 18,3 mlrd teńge nesıelerdi qosa alǵanda, azaıýda, nátıjesinde jalpy soma 424,8 mlrd teńgeni quraıdy.
«Asa mańyzdy mindetterdi júzege asyrýǵa baǵyttalǵan jáne keıinge qaldyrý jaǵdaıymen iske asyrylyp jatqan basym ınvestıtsııalyq jobalardyń tizimi 14,4 mlrd teńgege ulǵaıtylyp, 19,9 mlrd teńgeni qurady», - dedi B. Sultanov.
Baqytjan Saǵyntaev máseleni qaraý qorytyndysy boıynsha Premer-Mınıstrdiń Keńsesine Qarjy mınıstrligimen birlesip qol qoıýǵa qaýly jobasyn daıyndaýdy tapsyrdy.
«QR keıbir zańnamalyq aktilerine ishki ister organdarynyń qyzmetin jetildirý máseleleri boıynsha ózgerister men tolyqtyrýlar engizý týraly» Zań jobasy boıynsha depýtattardyń túzetýlerine Úkimet qorytyndysynyń jobasy týraly Bas prokýrordyń orynbasary Marat Ahmetjanov baıandady.
Spıkerdiń aıtýynsha, usynylǵan túzetýler qylmystyq protsestiń repressıvtiligin tómendetýge jáne ony izgilendirýge, sondaı-aq azamattardy qylmystyq protseste qorǵaý deńgeıin odan ári arttyrýǵa baǵyttalǵan.
Depýtattar Qylmystyq kodekske, Qylmystyq is júrgizý kodeksine jáne Qylmystyq-atqarý kodeksine 275 túzetý usyndy.
Jalpy, otyrys qorytyndysy boıynsha qorytyndy jobasyna sáıkes depýtattardyń túzetýleri maquldandy.
