Úkimette bızneske ákimshilik júktemeni azaıtý jónindegi jospardy iske asyrý barysy qaraldy

ASTANA. QazAqparat - QR Premer-Mınıstriniń orynbasary – qarjy mınıstri Erulan Jamaýbaev memlekettik organdar men «Atameken» UKP ókilderiniń qatysýymen bızneske ákimshilik júktemeni azaıtý máseleleri jóninde keńes ótkizdi, dep habarlaıdy QazAqparat Úkimettiń resmı saıtyna silteeme jasap.

Keńeste Memleket basshysynyń kásipkerlik qyzmetti «taza paraqtan bastap» retteýdi engizý, sondaı-aq memlekettik baqylaý jáne qadaǵalaý júıesin avtomattandyrý jónindegi tapsyrmalaryn oryndaý barysy talqylandy.

Máselen, búgingi tańda birinshi kezeń aıasynda qyzmettiń 17 salasynda retteýshi aktilerdi taldaý aıaqtaldy. Endi bızneske qoıylatyn negizsiz talaptardy joıý úshin memlekettik organdar zańǵa táýeldi (2022 jyldyń sońyna deıin) jáne zańnamalyq (2023 jyldyń naýryzyna deıin) aktilerge ózgerister engizetin bolady.

Odan bólek, bekitilgen jospar-kesteni iske asyrýdyń ekinshi kezeńi aıasynda bıylǵy jeltoqsanǵa deıin kásipkerlik qyzmettiń taǵy 11 salasynda retteýshi aktilerge taldaý júrgiziletin bolady.

Keńes qorytyndysy boıynsha Erulan Jamaýbaev táýekel dárejesin baǵalaý krıterıılerin jáne salalyq táýekelder matrıtsasyn qalyptastyrýdy qosa alǵanda, barlyq jumystardy belgilengen merzimde aıaqtaýdy tapsyrdy.

Foto: primeminister.kz