Úkimette Atom energetıkasy agenttigin qurý máselesi qarastyrylyp jatyr
ASTANA. 17 sáýir. QazAqparat /Qanat Mámetqazyuly/ - Úkimette atom energetıkasy agenttigin qury máselesi qarastyrylyp jatyr. Búgin Úkimette ótken keńeste Memleket basshysy Nursultan Nazarbaev osylaı málim etti.
«Atom salasynyń joǵary tehnologııalyq damýyn qamtamasyz etý úshin Úkimette Atom energetıkasy agenttigin qurý máselesi qarastyrylyp jatyr. Bálkim buny «QazAtomÓnerkásip» AQ-ǵa júktep, sonyń sheńberinde júzege asyrarmyz nemese buny ol kásiporynnan bólek agenttik retinde qurarmyz. Biraq, eń bastysy osy salamen biz túbegeıli aınalysýymyz kerek», - dedi Prezıdent.
Bul rette N. Nazarbaev ýran shıkizatyn satý boıynsha Qazaqstannyń álemde birinshi orynǵa shyqqandyǵyn aıta kele, bul shıkizatqa suranystyń aldaǵy ýaqytta da artatyndyǵyn, sondyqtan osy salamen túbegeıli aınalysýymyz kerektigin qadap aıtty.
