Úkimette Astana, Almaty jáne Aqtóbede «Smart-city» júıelerin qurý máselesi qaraldy
ASTANA. QazAqparat - Úkimet úıinde QR Premer-Mınıstri Baqytjan Saǵyntaevtyń tóraǵalyǵymen ekonomıka salalaryn tsıfrlandyrý máseleleri jóninde keńes ótti, dep habarlaıdy primeminister.kz .
Qatysýshylar kezdesý barysynda medıtsına, bilim berý jáne energetıka salalaryna ınnovatsııalar engizý, sonymen qatar kólik júıesin jańǵyrtý máselelerin talqylady. Budan ózge, Astana, Almaty jáne Aqtóbe qalalarynda «Smart-city» júıelerin qurý máseleleri qaraldy. Olar jedel qyzmet jáne quqyq qorǵaý organdarynyń is-qımyldarynyń tıimdiligin arttyrýǵa, qalanyń strategııalyq mańyzdy nysandarynyń qorǵalý deńgeıin kúsheıtýge, sondaı-aq, ómir súrý jaılylyǵyn arttyrý men ekologııany jaqsartýǵa baǵyttalǵan.
Sonymen qatar QR Bas prokýratýrasynyń ákimshilik úderisterin avtomattandyrý, polıtsııanyń ýchaskelik ınspektorlarynyń qyzmetine arnalǵan aqparattyq derekter bazasyn qurý jáne «Dıplomatııalyq qyzmettiń biryńǵaı aqparattyq júıesin» qurý máseleleri talqylandy.
