Úkimette Almaty JEO-2-ni gazdandyrý jobasy maquldandy

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken keńeste Almaty JEO-2 jańǵyrtý jobasy boıynsha sheshim qabyldandy, dep habarlaıdy QazAqparat primeminister.kz saıtyna silteme jasap.

Qoǵamdyq pikirdi eskere otyryp, jylý elektr stantsııasyn jańǵyrtýdyń qarastyrylǵan tórt nusqasynan qoldanystaǵy energetıkalyq qazandyq agregattaryn rekonstrýktsııalaý jolymen JEO-2-ni kómirden gazǵa aýystyrý maquldandy.

JEO gazdandyrýdyń tańdalǵan nusqasy qolda bar jetkizý jáne burý ınfraqurylymyn paıdalanýǵa múmkindik beredi. Bul rette qorshaǵan ortaǵa áseri barynsha azaıtylady – kúkirt totyǵynyń, kúldiń shyǵaryndylary bolmaıdy, azot totyǵynyń jáne kómirqyshqyl gazy shyǵaryndylarynyń deńgeıi tómen.

Joba 2025 jyldyń sońyna qaraı kezeń-kezeńimen júzege asyrylady.