Úkimette áleýmettik kásipkerlik máselesi qaraldy

ASTANA. QazAqparat - QR Premer-Mınıstriniń orynbasary – Qarjy mınıstri Erulan Jamaýbaev áleýmettik kásipkerlik máselesine qatysty jıyn ótkizdi, dep habarlaıdy primeminister.kz.

Jıynǵa barlyq oblys pen Astana, Almaty jáne Shymkent qalalary ákimderiniń orynbasarlary, QR Parlamenti Senatynyń depýtaty Erik Sultanov, sondaı-aq múddeli mınıstrlikter qatysty.

Jıynda áleýmettik kásipkerlik máseleleri, sondaı-aq osy ınstıtýtty damytý jáne odan ári jetildirý máseleleri talqylandy.

Budan bólek, aýyl sharýashylyǵy salasyndaǵy azyq-túlik ónimderin ótkizý shyǵyndaryn sýbsıdııalaý máselesi qaraldy.

Keńes qorytyndysy boıynsha Premer-Mınıstrdiń orynbasary ákimdikterge, atap aıtqanda, jańadan qurylǵan óńirlerge áleýmettik kásipkerlikti qoldaý sharalaryn qabyldaýdy qamtamasyz etýdi jáne jumysty jandandyrýdy tapsyrdy.

Foto: primeminister.kz