Úkimette áleýmettik-ekonomıkalyq damýdyń naqtylanǵan boljamy tanystyrylady

 ASTANA. QazAqparat - Erteń, 14 aqpan kúni ótetin Úkimet otyrysynda áleýmettik-ekonomıkalyq damýdyń naqtylanǵan boljamy men respýblıkalyq bıýdjet qaralady, dep xabarlaıdy QazAqparat tilshisi.
None
None

"Otyrys barysynda ulttyq ekonomıka mınıstri Tımýr Súleımenov pen qarjy mınıstri Baqyt Sultanov 2017-2021 jyldarǵa arnalǵan Qazaqstannyń áleýmettik-ekonomıkalyq damýynyń naqtylanǵan boljamyn, sondaı-aq 2017-2019 jyldarǵa arnalǵan respýblıkalyq bıýdjettiń jobasyn tanystyrady", - dedi búgingi brıfıngte Ortalyq kommýnıkatsııalar qyzmetiniń resmı ókili Murat Jumanbaı.

Budan bólek, Mádenıet jáne sport mınıstri Arystanbek Muxamedıuly Almatydaǵy Ýnıversıadanyń qorytyndysy boıynsha esep beredi. Sondaı-aq 2015-2019 jyldarǵa arnalǵan "Nurly jol" memlekettik baǵdarlamasyn iske asyrý jaıy sóz bolmaq. Otyrys barysynda Investıtsııalar jáne damý mınıstri Jeńis Qasymbek, Energetıka mınıstri Qanat Bozymbaev, Bilim jáne ǵylym mınıstri Erlan Saǵadıev, "Samuryq-Qazyna" qorynyń basshysy Ómirzaq Shókeev pen "Báıterek" ulttyq xoldınginiń tóraǵasy Erbolat Dosaev baıandama jasaıtyny kútilýde. 

Сейчас читают