Úkimette Agroónerkásiptik keshendi damytýdyń ulttyq jobasy tanystyryldy
«Memleket basshysynyń tapsyrmasy boıynsha mınıstrlik Agroónerkásiptik keshendi damytýdyń 2021-2025 jyldarǵa arnalǵan ulttyq jobasyn ázirledi. Ulttyq jobany ázirleý kezinde agroónerkásiptik keshendi damytýdaǵy jahandyq syn-qaterler men álemdik trendter, aldyńǵy memlekettik jáne salalyq baǵdarlamalardy iske asyrý qorytyndylary eskerildi. Ulttyq jobany ázirleýge halyqaralyq FAO uıymynyń sarapshylary tartyldy», - dedi Erbol Qarashókeev.
Ulttyq jobanyń mynadaı negizgi mindetteri aıqyndaldy:
- eńbek ónimdiligin 2,5 ese arttyrý;
- otandyq óndiristiń negizgi azyq-túlik taýarlarymen qamtamasyz etilýi;
- óńdelgen ónim úlesin 70%-ǵa deıin jetkize otyryp, agroónerkásiptik keshen ónimderiniń eksportyn 2 esege ulǵaıtý;
- 7 iri ekojúıe qalyptastyrý jáne ınvestıtsııalyq jobalardy iske asyrý esebinen 1 mln aýyl turǵynynyń tabysyn turaqty arttyrý.
«Eńbek ónimdiligin 2,5 ese arttyrý maqsatyna qol jetkizý úshin negizgi faktorlar aıqyndaldy.Tuqym sharýashylyǵyn memlekettik qoldaý sharalaryn iske asyrý, tuqymdardy qadaǵalaý júıesin qurý, sondaı-aq tuqym ósirý sharýashylyqtaryn qazirgi zamanǵy tehnıkamen jáne jabdyqtarmen tehnıkalyq jaraqtandyrý esebinen damytý josparlanyp otyr. Mıneraldy tyńaıtqyshtardy qoldaný deńgeıin arttyrý maqsatynda ónerkásiptik óndiristiń organıkalyq tyńaıtqyshtaryn sýbsıdııalaý jáne agrohımııalyq qyzmettiń respýblıkalyq ǵylymı-ádistemelik ortalyǵynyń qyzmeti men materıaldyq-tehnıkalyq bazasyn jetildirý kózdelgen. Tehnıkalyq jaraqtandyrylý deńgeıin arttyrý maqsatynda ınvestıtsııalyq sýbsıdııalaý jalǵastyrylady, sondaı-aq «QazAgroQarjy» AQ arqyly aýyl sharýashylyǵy tehnıkasynyń lızıngi baǵdarlamalary keńeıtiledi. Sondaı-aq sý únemdeý tehnologııalaryn keńinen engizý, sý berýdi sýbsıdııalaý tetigin jetildirý jóninde sharalar qabyldanady. Bul sý únemdeý tehnologııalary qoldanylatyn alańdardy 450 myń gektarǵa deıin ulǵaıtýǵa múmkindik beredi», - dedi mınıstr.
