Úkimette 2018 jylǵa arnalǵan maqsatty kórsetkishterge qol jetkizý máselesi taqylandy

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaev kólik jáne logıstıka, týrızm, ınvestıtsııalar tartý jáne salyq salý salasyndaǵy 2018 jylǵa arnalǵan maqsatty kórsetkishterge qol jetkizý máseleleri boıynsha keńes ótkizdi. Bul týraly primeminister.kz habarlaıdy. 

Keńes barysynda Investıtsııalar jáne damý mınıstri J. Qasymbektiń ınvestıtsııalyq ahýaldy jaqsartý, sondaı-aq kólik jáne logıstıka salasyndaǵy jumystardy jandandyrý týraly baıandamalary tyńdaldy.

Qarjy mınıstri B. Sultanovtyń baıandamasynda usynylǵan salyqtardy jınaýdy arttyrý máselesi, sonymen qatar mádenıet jáne sport mınıstri A.Muhamedıulynyń esebinde ishki jáne syrttan kelýshiler týrzımin, jalpy týrıstik ınfraqurylymdy damytý máseleleri qaraldy.