Úkimette 12 jyldyq bilim berý máselesi qaralady
ASTANA. 22 tamyz. QazAqparat - 12 jyldyq bilim berý standarty Úkimette qaralady. Bul týraly búgin Tamyz konferentsııasy aıasynda ótken arnaıy sektsııada 12 jyldyq bilim berýdiń jalpyǵa mindetti memlekettik standartyn ázirleýshi mamandardyń biri, Ybyraı Altynsarın atyndaǵy Ulttyq bilim akademııasynyń vıtse-prezıdenti Ádilhan Dúısebek málim etti.
«Búginde biz 12 jyldyq bilim berýge túbegeıli bet burdyq dep aıtýǵa bolady. Sebebi buǵan deıin atalǵan júıege kóshý-kóshpeý tóńireginde kóp áńgime boldy. Sońǵy on jyl boıy osy áńgime jalǵasyp kele jatyr. Qazir QR Bilim jáne ǵylym mınıstrligi osy standartty qabyldap, 12 jyldyq bilimge kóshýge túbegeıli sheshim qabyldap otyr. Bul másele el Úkimetinde eki márte qaraldy. Endi, tamyzdyń 29-ynda Premer-Mınıstr Serik Ahmetovtiń aldynda qaralatyn bolady», - deıdi ol.
