Úkimetke ınvestıtsııalyq jobalardyń ınteraktıvti kartasy tanystyryldy
Bul bastama QR Premer-Mınıstri Álıhan Smaıylovtyń tóraǵalyǵymen ótken orta bıznes ókilderimen kezdesýde aıtyldy.
Іs-sharaǵa Aqmola, Qostanaı, Pavlodar jáne Soltústik Qazaqstan oblystarynyń kásipkerleri qatysty.
Respýblıka boıynsha mundaı kezdesýler óńirlik bóliniste ótkiziledi.
Óńirlerdiń básekelestik artyqshylyqtaryn tolyq iske asyrý jáne olardyń ınvestıtsııalyq áleýetin jedel ashý úshin «Atameken» ulttyq kásipkerler palatasynyń ókilderi óńirlerdegi 3-5 basym sala/qosalqy salalarǵa nazar aýdarýdy usyndy.
«Bıznes-qoǵamdastyqtyń tıimdi ózara is-qımyly maqsatynda memlekettik organdar óńirlik palatalar janynan kásipkerler problemasyn sheshý úshin salalyq keńester qurdy. Keńes óńirdegi bıznes-pikirdi salalyq baǵyt, salalyq problemalar tizilimi, ınvestıtsııalyq jobalar tizilimine sáıkes shoǵyrlandyrady», - dedi Raıymbek Batalov.
Spıkerdiń aıtýynsha, ár oblysta óńirlik ereksheligine qaraı orta jáne iri jobalarǵa ınvestıtsııa salýǵa daıyn kásipkerler bar.
Osyndaı ınvestorlardyń tizilimine ıe bola otyryp, ulttyq palata Úkimet pen jergilikti atqarýshy organdarǵa ár óńirdiń mamandanýyn birlesip ózektendirýdi, qysqa merzimde óńirlerdi damytý baǵdarlamasyna kiretin ınvestıtsııa tartýdaǵy tejeýshi problemalardy eńserý jónindegi sharalar keshenin ázirleýdi usyndy.
«Sonymen qatar, biz ınvestıtsııalyq jobalardyń ınteraktıvti kartasyn qoldana otyryp, óńir ekonomıkasyndaǵy basym salalarǵa súıenip, bıznesti damytýǵa qarjylaı qoldaý kórsetýdi usynamyz. Buny Májilis pen Senat depýtattarymen aqyldastyq. Olar bizdi qoldap otyr. Bul týraly buǵan deıin el Prezıdenti aıtqan bolatyn. Ótpeli baqylaý memlekettik qoldaý sharalarynyń ashyqtyǵyn jáne barlyq taraptardyń óz mindettemelerin oryndaýyn qamtamasyz etedi. Investıtsııalyq shtab jumysynda ınteraktıvti kartany osyndaı dashbord túrindegi jobalar týraly derekterdi qoldaný men shoǵyrlandyrýdyń yńǵaılylyǵyna baılanysty paıdalanýdy usynamyn», - dep tolyqtyrdy «Atameken» UKP basshysy.
Osy quraldardy engizý úshin ulttyq palata Ulttyq ekonomıka mınıstrligimen birlesip, jergilikti atqarýshy organdar men ortalyq memlekettik organdardy osy ınteraktıvti kartamen jumys isteýge úıretý úshin baǵdarlama ázirleýge daıyn.
QR Premer-Mınıstri Álıhan Smaıylov memlekettik qoldaý sharalarynyń tıimdiligin arttyrý mańyzdy baǵyt ekenimen kelisti.
«Memlekettik qoldaý alǵan bıznes óz óndirisin keńeıtip, shıkizattyq emes ónim shyǵarýdyń ósýin qamtamasyz etýi tıis. Munda ishki naryqtyń qanyqtylyǵyna basymdyq berý kerek. Ár jobadan biz barynsha ekonomıkalyq tıimdilikke qol jetkizýimiz kerek. Bul ekonomıkany odan ári ártaraptandyrýǵa jáne turaqty jumys oryndaryn qurýǵa úles qosýǵa múmkindik beredi», - dep túıindedi Úkimet basshysy.
