Úkimetke dárigerlerdiń kásibı jaýapkershiligin mindetti túrde qamsyzdandyrýdy engizý jónindegi máseleni taldap-zertteý júkteldi
ASTANA. 10 shilde. QazAqparat - QR Úkimeti 2013 jyldyń 1 shildesine deıin, eger medıtsına qyzmetkeri tarapynan salaqtyqpen nemese júrdim-bardym qaraý, bolmasa azamattyń densaýlyǵyna nuqsan keltirgeni úshin dárigerlerdiń kásibı jaýapkershiligin mindetti túrde qamsyzdandyrýdy engizý jónindegi máseleni taldap-zerttesin.
Bul týraly Elbasy Nursultan Nazarbaevtyń Qazaqstannyń áleýmettik jańǵyrtylýy jónindegi 14-shy tapsyrmasynda aıtylǵan.
Sonymen qatar Memleket basshysy óz tapsyrmasynda Úkimetke 2012 jyldyń aıaǵyna deıin, emdik quraldardy paıdalanýǵa qatysty turǵyndardyń habardarlyǵy deńgeıin arttyrýdyń pármendi tetikterin engizýdi júktedi.
«Árbir qazaqstandyq salamatty ómir saltynsyz, tamaqty tarta ishpeıinshe, qımyl-qozǵalyssyz jáne sportsyz uzaq ómir súrý múmkin emes ekenin bilýge tıis. Bul - ómirdiń aşy shyndyǵy. Eger biz Qazaqstandaǵy ortasha ómir jasy Eýropadaǵydaı bolǵanyn qalasaq, onda ózimizdiń densaýlyǵymyz týraly oılanýǵa tıispiz. Árbir eldi mekende, sonyń ishinde aýyldyq jerlerde, sondaı-aq árbir mekeme men kásiporynda belsendi demalysty, dene tárbıesi men buqaralyq sportty damytý úshin birte-birte jaǵdaı jasaý jón. Eldiń oqý oryndarynda dene tárbıesiniń oqýdan tys sabaqtary men sektsııalaryn keńeıtý kerek»,- dedi QR Prezıdenti.
