Úkimetke áleýmettik mańyzdy azyq-túlik baǵasyn bekitý quzyretin beretin zań jobasy maquldandy
Qujattyń ekinshi oqylymǵa engizilgen ózgeristerin Ekonomıkalyq reforma jáne óńirlik damý komıtetiniń múshesi Ǵalym Ámireev tanystyrdy.
«Respýblıkalyq mańyzy bar qala, astana bıýdjetiniń quramyndaǵy aýdan shyǵystarynyń baǵyttaryn keńeıtý usynylyp otyr. Atalǵan túzetý aýdan ákimdikterine halyqqa áleýmettik kómek kórsetý jáne áleýmettik qamsyzdandyrý, balalalrdy mektepke deıingi tárbıeleý men oqytýdy uıymdastyrý, respýblıkalyq mańyzy bar qaladaǵy, ınjenerelik jelilerdi, avtomobıl joldaryn salý, qyzmet kórsetý, jóndeý jónindegi fýnktsııalardy derbes iske asyrýǵa múmkindik beredi. Jergilikti bıýdjetter men dızel otynyn óndirýshilerdiń kóterme saýdada ótkizýine aktsızderdi saqtaý, tikeleı kelissózder tetigi negizinde bastamashylyq jasaıtyn memleketti-jekemenshik áriptestik jobasy boıynsha balama usynystardy jınaýdyń mindetti kezeńin qosý usynystary qoldaý tapty», - dedi ol.
Onyń aıtýynsha, depýtattar Prezıdent tapsyrmalaryn oryndaýǵa jol ashatyn birneshe qosymsha túzetý engizýdi usynyp otyr.
«Arnaıy ekonomkıalyq jáne ındýstrıaldyq aımaqtar týraly zańnamany jetildirý, jaldaý tólemderin sýbsıdııalaý tetigi sheńberinde ashylǵan shottardy qorǵaý, sheteldik avtomobılderdi ákeli men paıdalanýdyń jekelegen máselelerin retteý, qurylysqa ranlaǵan jobalardyń vedomstvodan tys keshendi saraptamasyn anyqtaý, Lotoreıa operatorynyń «Qazaqstan Halyqyna» qoǵamdyq qoryna aýdarymy, ınvestıtsııalar tartý salasyndaǵy ulttyq kompanııanyń fýnktsııasyn iske asyrý, jer qoınaýyn paıdalanýshylardan gazdy satyp alýdyń jańa tetigin engizý usynylady. Úkimetke Qazaqstan Respýblıkasynda óndiriletin, ákelinetin nemese ótkiziletin áleýmettik mańyzy bar azyq-túlik taýarlaryna shekti baǵany bekitý quzyretin berý kózdeledi. Atalǵan túzetýlerge múddeli memlekettik organdar kelisti, Úkimet tarapynan qoldaý tapty», - dedi depýtat.
