Úkimeti otyrysynda 2015 jyldyń qańtar-naýryzyndaǵy QR-dyń áleýmettik-ekonomıkalyq damýynyń aldyn ala qorytyndylary talqylandy
Úkimet úıinde QR Premer-Mınıstri Kárim Másimovtiń tóraǵalyǵymen selektorlyq rejımde Úkimettiń kezekti otyrysy ótti.
QR ulttyq ekonomıka mınıstri Erbolat Dosaev ú.j. qańtar-naýryzyndaǵy Qazaqstannyń áleýmettik-ekonomıkalyq damýynyń aldyn ala qorytyndylary týraly málimdedi.
«Aldyn ala baǵalaý boıynsha eseptik kezeńdegi JІÓ ósimi 2,2%-dy qurady, taýarlardy óndirý kólemi 100,8%, qyzmet kórsetýlerdiń NKI - 103% deńgeıde qalyptasty», - dep málimdedi E.Dosaev.
Jyl basynan beri ınflıatsııa ótken jyldyń sáıkes kezeńindegi 3,3% kezinde 1,1%-dy qurady.
Azyq-túlik taýarlarynyń baǵalary 1,6%-ǵa, aqyly qyzmetter - 2,2%-ǵa artty. Taǵamdyq emes taýarlardyń baǵalary 0,6%-ǵa tómendedi.
E.Dosaevtyń málimetinshe, elimizdegi qurylys kólemi 101,9% qurady. Qurylys jumystary kóbine Almaty oblysynda - 44,3% ósim, SQO-da - 29,9%, BQO-da - 28,2%, Astanada - 23% belsendi júrgizildi. Pavlodar jáne Qaraǵandy oblystarynda qurylys kólemderi aıtarlyqtaı qysqardy.
«Elimizdiń halyqaralyq qorlary naýryzdyń sońyna 98,8 mlrd. AQSh dollaryn qurap, «Nurly jol» memlekettik baǵdarlamasyn qarjylandyra bastaǵandyqtan jáne ekonomıkany qoldaýǵa qatysty maqsatty transfertterdiń arqasynda Ulttyq qordaǵy sheteldik valıýtadaǵy aktıvterdi 5,2%-ǵa qysqartý esebinen ótken jyldyń naýryzymen salystyrǵanda 0,4%-ǵa tómendedi. Ulttyq banktiń altyn valıýtalyq aktıvteri 29,1 mlrd. AQSh dollaryn qurap, ótken jylmen salystyrǵanda 9,8%-ǵa ósti», - dep atap ótti E.Dosaev.
«Respýblıkalyq bıýdjetke túsimder 2015 jyldyń 1 sáýirine 1 trln. 423,4 mlrd. teńgeni qurady jáne 94,3%-ǵa oryndaldy. Jetkiliksiz túsimder respýblıkalyq bıýdjettegi qarajattyń jetkilikti bolýyna qatysty Ulttyq qordan kepildi transfertti tolymsyz tartýmen baılanysty. Ú.j. 1 sáýirine jalpy 1 trln. 554,1 mlrd. teńgeni qurady jáne 97,6%-ǵa oryndaldy. Respýblıkalyq bıýdjet tapshylyǵy 130,7 mlrd. teńgeni qurap, ishki kózder esebinen tolyǵymen qarjylandyryldy», - dep tolyqtyrdy Ulttyq ekonomıka mınıstrliginiń basshysy.
QR ındýstrııa jáne damý mınıstri Áset Isekeshevtiń málimetinshe, ú.j. birinshi toqsanynda ónerkásiptik óndiris kólemi 0,6%-ǵa, onyń ishinde taý-ken óndirisi salasynda - 1,1%-ǵa, óńdeýshi salada - 0,5%-ǵa ósti. Ónerkásip mekemelerin qoldaý josparymen eseptik kezeńde metallýrgııa ónerkásibiniń 25 kásiporny, mashına jasaýda - 20, hımııa ónerkásibinde - 8, qurylys ındýstrııasynda - 10 kásiporyn qamtylǵan.
QR energetıka mınıstri Vladımır Shkolnıktiń jedel málimeti boıynsha ú.j. birinshi toqsanynda munaı jáne kondensat óndirý 20,3 mln. tonnany nemese ótken jylǵa 100,9% qurady. 3,1 mln. tonna munaı óńdeldi, bul 2014 jylǵy óńdeý deńgeıinen 9,5%-ǵa az.
«Jalpy naryqtaǵy jaǵdaı qalypty, tapshylyq baıqalmaıdy», - dep sendirdi V.Shkolnık.
Mektepke deıingi uıymdar jelisin damytý úshin MJS engizý máseleleri týraly QR bilim jáne ǵylym mınıstri Aslan Sárinjipov baıandady.
Búgingi tańda respýblıkada 8,5 myńǵa jýyq mektepke deıingi uıym, onyń ishinde 1,5 myńy nemese 17,2% jekemenshik mektepke deıingi uıymdar jumys jasaıdy. Onda 727 myń bala bilim alady, dep habarlady BǴM basshysy.
«2015 jylǵa barlyq oblystarmen memorandýmdar jasaldy, olardyń aıasynda qosymsha 12,5 myń orynǵa 139 balabaqsha paıdalanýǵa berý týraly kelisimderge qol jetkizildi», - dep habarlady A.Sárinjipov.
A.Sárinjipov atalǵan salany jetildirý maqsatynda BǴM ınvestorlarmen birge sáıkes usynystar jasaǵanyn atap ótti. Atap aıtqanda, kontsessııalyq baǵdarlamalarǵa zańnamalyq túrde kontsessıonerge usynylatyn qaryzdardyń syıaqy mólsherlemesin sýbsıdııalaýdy engizý; qatysýshylar arasynda qaýip-qaterlerdi bólý úshin kóp jaqty kelisim-sharttar jasaý is-tájirıbesin engizý jáne basqalary usynyldy.
Otandyq óndirýshilerdi jáne eksporttaýshylardy QDB arqyly jeńildikti nesıelendirý týraly «Báıterek» UBH» AQ basqarma tóraǵasy Qýandyq Bıshimbaev málimdedi.
«Basqarý keńesiniń sheshimine sáıkes Ulttyq qor «Báıterek» holdıngine otandyq eksporttaýshylar men óndirýshilerdi qoldaýǵa 85 mlrd. teńge, onyń 70 mlrd. teńgesin 2015 jyly jáne 15 mlrd. teńgesin 2016 jyly bóledi.
Onyń aıtýynsha, 20 mlrd. teńgeni avtokólik óndirýshilerin qoldaýǵa, onyń ishinde 15 mlrd. teńge jeke tulǵalardy avtonesıeleýge, 5 mlrd. teńge zańdy tulǵalar úshin lızıngtik shemalarǵa baǵyttaý josparlanǵan. 50 mlrd. teńgege jýyq qarajat eksporttaýshylardy qoldaýǵa, 10 mlrd. teńge tikushaq óndirýshilerdi qoldaýǵa, 5 mlrd. teńge - jolaýshy vagondaryna bólinedi.
