Úkimet jyl sońyna deıin Parlamentke jer qatynastaryn tsıfrlandyrý týraly zań jobasyn berýi qajet - Prezıdent

NUR-SULTAN. QazAqparat – Úkimet jyl sońyna deıin jer qatynastaryn tsıfrlandyrý jáne otandyq bıznestiń aýyl sharýashylyǵyna arnalmaǵan jer resýrstaryna qol jetkizýin jeńildetý jóninde zań jobasyn Parlamentke berýi qajet. «Atameken» ulttyq kásipkerler palatasynyń VII sezine qatysqan QR Prezıdenti osylaı málim etti, dep habarlaıdy QazAqparat.

Prezıdent baıandamasynda elimizdiń ekonomıkasyn tsıfrlandyrý qarqynyn saqtaýǵa baılanysty da erekshe kóńil bólindi.

«Jaqyn arada jerge qol jetkizý sekildi kásipkerler úshin taǵy da bir mańyzdy másele sheshilýi kerek. Meniń tapsyrmam boıynsha Úkimet jer qatynastaryn tsıfrlandyrý jáne otandyq bıznestiń aýyl sharýashylyǵyna arnalmaǵan jer resýrstaryna qol jetkizýin jeńildetý jóninde zań jobasyn daıyndady. Sondaı-aq zańda jer qatynastary men sáýlet salasynda memlekettik qyzmetterdi elektrondy túrde kórsetý, jer ýchaskelerin berý merzimin 1 jyldan 20 kúnge deıin qysqartý, memlekettik aktini, jerge ornalastyrý jobasyn alyp tastaý jáne basqa da birqatar mańyzdy máseleler qarastyrylǵan. Úkimet jyl sońyna deıin atalǵan zań jobasyn Parlamentke berýi qajet», - dedi Memleket basshysy.