Úkimet jyl sońyna deıin bilim berý júıesi úshin sabaqtardyń jańa jiktemesin ázirleıdi - G.Ábdiqalyqova
ASTANA. QazAqparat - Úkimet jyl sońyna deıin bilim berý júıesi úshin jańa sabaqtardyń jiktemesin ázirleıdi. Bul týraly búgin QR Parlamenti Májilisindegi «Tehnıkalyq jáne kásiptik, joǵary bilim berý júıesinde ekonomıka salalary úshin kadrlar daıarlaýdyń sapasy men perspektıvalary týraly» parlamenttik tyńdaý barysynda QR Premer-Mınıstriniń orynbasary Gúlshara Ábdiqalyqova aıtty.
Onyń atap ótýinshe, eńbek naryǵy men bilim berý protsesi arasyndaǵy ózara baılanysty reglamentteıtin standarttardy jańartý máselesindegi alǵashqy kezektegi qadam sabaq jiktemelerin jetildirý bolmaq. Ony jumys berýshiler men bilim berý júıesi basshylyqqa alýy tıis.
«Sabaqtardyń jańa jiktemesi salalyq belgileri jáne biliktilik deńgeıine qaraı kásipterdi jiktep, sabaqtardy bólýdi qarastyrady. Meniń oıymsha, bul jiktemeni úkimet jyl sońyna deıin qabyldaıdy», - dedi Úkimet basshysynyń orynbasary.
G.Ábdiqalyqovanyń sózine qaraǵanda, kadrlardy daıyndaý júıesindegi jańa element barlyq kásipter boıynsha bilimdi, daǵdyny jáne quziretti aıqyndaıtyn bilim men bıznes arasyndaǵy ózara baılanysty aıqyndaıtyn kásibı standarttarǵa aınalady.
«Olardyń negizinde jańa bilim berý baǵdarlamasy ázirlenýi tıis», - dedi ol.
