16:55, 13 Qarasha 2013 | GMT +6
Úkimet jyl saıyn mektepter men aýrýhanalar salý jónindegi tapsyrmalardy júzege asyrýdy qurdymǵa ketirip otyr - Májilis depýtaty M.Aısına
ASTANA. 13 qarasha. QazAqparat - Úkimet jyl saıyn mektepter men aýrýhanalar salý jónindegi tapsyrmalardy júzege asyrýdy qurdymǵa ketirip otyr. QR Parlamenti Májilisiniń depýtaty Maıra Aısına palatanyń jalpy otyrysynda 2013-2015 jyldarǵa arnalǵan respýblıkalyq bıýdjetke túzetýlerdi talqylaý barysynda osyndaı málimdeme jasady.
«Aıtýǵa uıat, bul baǵdarlama merzimi boıynsha 2011 jyly-aq aıaqtalýǵa tıis edi», - dedi M.Aısına.
Depýtat qazirge deıin 92 mektepte balalar úsh aýysymda oqyp júrgenin, 189 mektep apatty jaǵdaıda turǵanyn atap ótti. Al endi Úkimet Bilim mınıstrliginen ıgere almaı otyrǵan 22 mıllıardtan astam teńge qarjyny alyp tastaýdy suraıdy, bul aqshaǵa keminde 20 jańa mektep salýǵa bolar edi.
