Úkimet jumys kúshine qatysty jekelegen basym ınvestıtsııalyq jobalarǵa arnalǵan kvotany belgileıtin bolady

Búgin QR Parlamenti Májilisiniń jalpy otyrysynda «Halyqtyń kóshi-qony týraly» zań jobasy boıynsha baıandaǵan Eńbek jáne halyqty áleýmettik qorǵaý mınıstri Gúlshara Ábdqalyqova osylaı málim etti.

Mınıstrdiń aıtýynsha, zań jobasynda ishki eńbek naryǵynyń negizgi qaǵıdattaryn qamtamsyz etý máseleleri qarastyryldy. Atap aıtqanda, syrtqy eńbek kóshi-qonynyń jańa tásilderi usynylady. «Úkimetke sheteldik jumys kúshin tartýdyń jalpy kvotasynan bólek jekelegen basym ınvestıtsııalyq jobalarǵa arnalǵan kvota, eńbek kóship-qonýshylarynyń shyqqan eline baılanysty kvotany belgileý quqyǵy beriledi. Sonymen qatar, maýsymdyq sheteldik jumys kúshin tartý tártibin jetildirý kózdeledi. Zańsyz kóshi-qonnyń aldyn alý maqsatynda maýsymdyq jumys atqaratyn sheteldikterdiń mártebesin retteý arnaıy zań qabyldaý arqyly qarastyrylyp, kóship kelýshilerdiń jekelegen sanattary boıynsha 5 jylda bir ret arnaıy zańdastyrý aktsııasyn júrgizý kózdelgen», - deıdi mınıstr G. Ábdiqalyqova.

Budan bólek, qujattaǵy ishki kóshi-qondy retteý máselelerinde tuńǵysh ret úkimet tarapynan tıisti áleýmettik qoldaýdy kórsete otyryp, ishki kóshi-qon kvotasyn belgileý quqyǵy qarastyrylǵan.