Úkimet jeke tulǵalardy jalpyǵa ortaq deklaratsııalaýdy engizý barysyn qarady
NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen ótken Úkimet otyrysynda jeke tulǵalardy jalpyǵa ortaq deklaratsııalaýdy engizý barysy qaraldy, dep habarlaıdy QazAqparat primeminister.kz saıtyna silteme jasap.
Qarjy mınıstri Erulan Jamaýbaev jáne Premer-Mınıstrdiń birinshi orynbasary Álıhan Smaıylov baıandama jasady.
Jalpyǵa ortaq deklaratsııalaýdy engizý 100 naqty qadam – Ult josparynyń 42-qadamynda qarastyrylǵan. Bul shara jeke tulǵalar kiristeriniń ashyqtyǵyn qamtamasyz etýge múmkindik beredi. 2021 jylǵy 1 qańtardan bastap memlekettik qyzmetshiler jáne olarǵa teńestirilgen adamdar úshin jalpyǵa ortaq deklaratsııalaýdy engizýdiń birinshi kezeńi bastaldy. 2023 jyldan bastap memlekettik mekemeler men kvazımemlekettik sektordyń qyzmetkerleri men olardyń jubaılary deklaratsııa tapsyra bastaıdy. 2024 jyldan bastap zańdy tulǵalardyń basshylary men quryltaıshylary, sondaı-aq jeke kásipkerler men olardyń jubaılary, al 2025 jyldan bastap azamattardyń barlyq qalǵan sanattary tapsyra bastaıdy. Qazaqstanda deklaratsııalardy qabyldaý boıynsha elektrondyq servıster jumys isteıdi: salyq tóleýshiniń kabıneti (cabinet.salyk.kz), «Elektrondyq úkimettiń» veb-portaly jáne «E-Salyq Azamat» arnaıy mobıldi qosymshasy. Jyl saıyn elektrondyq bazalar jetildirilýde, sondyqtan azamattarǵa Qazaqstannyń memlekettik organdary men bankterinde tirkelgen múlki men aktıvteri týraly málimetter usynýdyń qajeti joq.
«Bastalǵan jumysty bekitilgen merzimderge sáıkes oryndap, jalpyǵa ortaq deklaratsııalaýdy engizý boıynsha halyqqa túsindirý jáne oqytý jumystaryn júrgizý qajet», — dedi A.Mamın.
