Úkimet janyndaǵy Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótti
ASTANA. Sáýirdiń 28-i. QazAqparat /Ǵalymjan Hasenov/ - Ádilet vıtse-mınıstri Dýlat Qusdáýletov ortalyq memlekettik organdardyń ókilderiniń qatysýymen Úkimet janyndaǵy Zań jobalaý qyzmeti máseleleri jónindegi vedomstvoaralyq komıssııanyń kezekti otyrysyn ótkizdi,
dep habarlady Ádilet mınıstrliginiń baspasóz qyzmetinen.
Májiliske qatysýshylar Úkimettiń 2010 jylǵa arnalǵan Zań jobalaý jumystary josparynyń atqarylý sapasy men qarqynyn, sondaı-aq ıslamdyq qarjylandyrýdy uıymdastyrý, bank qyzmetin úılestirý jáne sot óndirisi kezindegi bitimgershilik protsedýralar ınstıtýtyn engizý máselelerine qatysty zań jobalarynyń tujyrymdamalaryn talqylady. Etıl spırti men alkogol ónimderiniń óndirisin jáne aınalymyn retteý máseleleri jónindegi zań jobasy qaıta qaraldy.
Jumys qorytyndysy boıynsha komıssııa «Qazaqstan Respýblıkasynyń keıbir zańnamalyq aktilerine táýekelderdi azaıtý máselesine qatysty bank qyzmeti jáne qarjylyq uıymdaryn retteý máseleleri jónindegi ózgertýler men tolyqtyrýlar engizý týraly» zań jobasyn ázirleý jumystaryn maquldady jáne jobany ázirleýshi memlekettik organ - Qarjylyq qadaǵalaý jónindegi agenttikke - májiliste aıtylǵan eskertýler men usynystardy eskere otyryp, tujyrymdamany jetildirýge keńes berildi.
Al Qarjy mınıstrligine «Etıl spırti men alkogol ónimderiniń óndirisi men aınalymyn memlekettik retteý týraly» Zańǵa tolyqtyrýlar engizý týraly» zań jobasyna Úkimettiń qorytyndysynyń jobasyn ázirleý týraly, Ádilet mınıstrligine - mindetti notarıaldyq kýálandyrýǵa jatatyn azaattyq-quqyqtyq mámilelerdiń tizbesin tolyqtyrý týraly keńester berildi.
Al qosymsha máselelerdi zerdeleý aıasynda komıssııa «Qazaqstan Respýblıkasynyń keıbir zańnamalyq aktilerine ıslamdyq qarjylandyrýdy uıymdastyrý máseleleri jónindegi tolyqtyrýlar men ózgertýler engizý týraly» zań jobasynyń ázirlemelerin maquldady.
