Úkimet janynan qurylys salasyn reformalaý jónindegi vedomstvoaralyq komıssııa qurylady
ASTANA. Naýryzdyń 9-y. QazAqparat /Ernur Aqanbaı/ - Qazaqstanda Úkimet janynan qurylys salasyn reformalaý jónindegi turaqty jumys isteıtin vedomstvoaralyq komıssııa qurylatyn bolady,
dep habarlaıdy QazAqparat.
«Men muny óte mańyzdy másele dep esepteımin jáne Úkimet janynan qurylys salasyn reformalaý jónindegi turaqty jumys isteıtin vedomstvoaralyq komıssııa qurý jónindegi usynysty qoldaımyn. Sondyqtan bekitilgen merzimde atalmysh komıssııany qurý týraly meniń qaýlymnyń jobasyn engizińizder. Resýrstar jónindegi usynysty da respýblıkalyq bıýdjettik komıssııanyń otyrysyna shyǵaryńyzdar», dedi búgin Úkimet otyrysynda Premer-Mınıstr Kárim Másimov Qurylys isteri jáne turǵyn úı -kommýnaldyq sharýashylyǵy agenttiginiń tóraǵasy Serik Nokınge qaratyp aıtqan sózinde.
Aıta keteıik, otyrysty S. Nokın Úkimettiń tapsyrmasy boıynsha Agenttik qurylys salasyn tehnıkalyq retteý júıesin reformalaý tujyrymdamasynyń jobasyn jáne reformany júzege asyrý jónindegi is-sharalar josparyn ázirlegenin atap ótti. «Reforma boıynsha jumysty úılestirý úshin QR Úkimetiniń janynan qurylys salasyn reformalaý jónindegi turaqty jumys isteıtin vedomstvoaralyq komıssııa qurǵandy jón sanaımyz. Aǵymdaǵy jyly reformany júzege asyrýǵa kiriýge múmkindik beretin birinshi kezektegi sharalar keshenin oryndaý kózdelip otyr», dedi otyrysta S. Nokın.
Onyń aıtýynsha, reformanyń birinshi kezekti sharalaryn júzege asyrýǵa 2010 jyly qosymsha 500 mln. teńge bólý qajet.
