Úkimet janynan eksporttyq saıasat keńesi jumys istemek
ASTANA. QazAqparat - Qazaqstanda 1 qyrkúıekke deıin eksporttyq strategııa jasaqtalady. Atalmysh tapsyrmany búgin Úkimet otyrysynda QR Premer-Mınıstri Baqytjan Saǵyntaev júktedi.
"Indýstrıalandyrý baǵdarlamasy aıasynda 2025 jylǵa deıin shıkizattyq emes eksporttyń kólemin eki esege ulǵaıtý maqsaty tur. Prezıdent esportty damytý jáne jyljytý quraldaryn bir vedomstvonyń quzyryna berýdi tapsyrdy. Ol úshin bizge eksportty qoldaýdyń barlyq sharalaryn "bir tereze" qaǵıdaty boıynsha toǵystyrý qajet. Sheteldik naryqqa qazaqstandyq taýarlardy jyljytý kezinde bolatyn kedergilerdi monıtorıngileý jáne joıý boıynsha jumysty belsendirý kerek. Investıtsııalar jáne damý mınıstrligine tıisti usynysty, sonyń ishinde úkimet janynan eksporttyq saıasat jónindegi keńesti qurý boıynsha usynysty engizýdi tapsyramyn. Sonymen birge 1 qyrkúıekke deıin eksporttyq strategııany jasaqtaý qajet. Asqar Uzaqbaıuly (Mamın - QR Premer-Mınıstriniń orynbasary), úılestirý jaǵy sizdiń moınyńyzda bolady", - dedi Úkimet basshysy.
Aıta keteıik, keshe QR Prezıdenti N. Nazarbaev óziniń joldaýynda eksporttyq áleýetti damytý - basym sala ekenin atap ótken bolatyn.
