Úkimet janynan Áleýmettik mańyzy bar azyq-túlik taýarlaryna bólshek saýda baǵalaryn retteý máseleleri jónindegi komıssııa quryldy

Bul komısssııa 17 maýsymda QR Premer-Mınıstri Kárim Másimov qol qoıǵan Áleýmettik mańyzy bar azyq-túlik taýarlaryna bólshek saýda baǵalarynyń shekti mánderin jáne olarǵa bólshek saýda baǵalarynyń shekti ruqsat etilgen mólsherin belgileýdiń keıbir máseleleri týraly qaýlyǵa sáıkes qurylyp otyr.

«Oblystardyń, respýblıkalyq mańyzy bar qalanyń jáne astananyń jergilikti atqarýshy organdary osy qaýlyny iske asyrý jóninde sharalar qabyldasyn jáne bir aı merzimde Qazaqstan Respýblıkasy Ekonomıkalyq damý jáne saýda mınıstrligine áleýmettik mańyzy bar azyq-túlik taýarlaryna bólshek saýda baǵalarynyń 2011 jylǵa arnalǵan shekti mánderin belgileý boıynsha usynystar bersin», - delingen qaýlyda. Sonymen qatar Ekonomıkalyq damý jáne saýda mınıstrligine eki aı merzimde QR Úkimetiniń bekitýine áleýmettik mańyzy bar azyq-túlik taýarlaryna bólshek saýda baǵalarynyń 2011 jylǵa arnalǵan shekti mánderin engizý tapsyrylǵan.

Komıssııa QR Úkimetiniń janyndaǵy konsýltatıvtik-keńesshi organy bolyp tabylady. Komıssııa óz qyzmetinde Qazaqstan Respýblıkasynyń Konstıtýtsııasy men zańdaryn, Qazaqstan Respýblıkasynyń Prezıdenti men Úkimetiniń aktilerin jáne ózge de normatıvtik-quqyqtyq aktilerdi, sondaı-aq osy Erejeni basshylyqqa alady.

Komıssııanyń mynadaı negizgi mindetteri bar:

1) áleýmettik mańyzy bar azyq-túlik taýarlarynyń baǵasyn turaqtandyrý;

2) Qazaqstanda saýda qyzmetin retteý salasyndaǵy saıasatty qalyptastyrý máseleleri jóninde usynystar ázirleý bolyp tabylady.

Komıssııa ózine júktelgen mindetterge sáıkes mynadaı fýnktsııalardy júzege asyrady:

1) áleýmettik mańyzy bar azyq-túlik taýarlaryna bólshek saýda baǵalarynyń shekti mánderin jáne olarǵa bólshek saýda baǵalarynyń shekti ruqsat etilgen mólsherin arttyrý boıynsha jergilikti atqarýshy organ usynylǵan ótinimdi qaraıdy;

2) áleýmettik mańyzy bar azyq-túlik taýarlaryna bólshek saýda baǵalarynyń shekti ruqsat etilgen mólsherdi belgileý boıynsha saýda qyzmetin retteý salasyndaǵy ýákiletti memlekettik organ usynǵan qorytylǵan ekonomıkalyq saraptamany qaraıdy;

3) áleýmettik mańyzy bar azyq-túlik taýarlaryna bólshek saýda baǵalarynyń shekti ruqsat etilgen mólsherin belgileýdiń oryndylyǵy týraly usynystardy qalyptastyrady;

4) Qazaqstan Respýblıkasynyń zańnamasyna sáıkes basqa da fýnktsııalardy júzege asyrady.

QR Úkimetiniń janyndaǵy Áleýmettik mańyzy bar azyq-túlik taýarlaryna bólshek saýda baǵalaryn retteý máseleleri jónindegi komıssııanyń tóraǵasy Qazaqstan Respýblıkasy Premer-Mınıstriniń birinshi orynbasary Ómirzaq Shókeev. Komıssııanyń quramyna mynalar kirip otyr:

Kelimbetov - Qazaqstan Respýblıkasynyń Ekonomıkalyq

Qaırat Nematuly damý jáne saýda mınıstri, tóraǵanyń orynbasary

Mamytbekov - Qazaqstan Respýblıkasynyń Aýyl

Asyljan Sarybaıuly sharýashylyǵy mınıstri, tóraǵanyń orynbasary

Súleımenov - Qazaqstan Respýblıkasynyń Ekonomıkalyq

Tımýr Muratuly damý jáne saýda vıtse-mınıstri, hatshy

Bojko - Qazaqstan Respýblıkasynyń Tótenshe

Vladımır Karpovıch jaǵdaılar mınıstri

Jámishev - Qazaqstan Respýblıkasynyń Qarjy mınıstri

Bolat Bıdahmetuly

Esenbaev - Qazaqstan Respýblıkasy Básekelestikti qorǵaý

Májıt Tóleýbekuly agenttiginiń (Monopolııaǵa qarsy agenttik) tóraǵasy

Aldabergenov - Qazaqstan Respýblıkasy Tabıǵı

Nurlan Shádibekuly monopolııalardy retteý agenttiginiń tóraǵasy

Perýashev - «Atameken» odaǵy» Qazaqstan ulttyq

Azat Turlybekuly ekonomıkalyq palatasy» zańdy tulǵalar

birlestiginiń Basqarma tóraǵasy (kelisim

boıynsha)