Úkimet janar-jaǵarmaı baǵasyn baqylaýda ustaıtyn bolady - Premer-Mınıstr
ASTANA. Jeltoqsannyń 29-y. QazAqparat /Ernur Aqanbaı/ - Úkimet 2010-2011 jáne odan keıingi jyldarda da janar-jaǵarmaı baǵasyn baqylaýda ustaıtyn bolady.
Bul týraly búgin Astanada buqaralyq aqparat quraldarymen bolǵan brıfıngte Úkimet basshysy Kárim Másimov málim etti, dep habarlaıdy QazAqparat.
«Mendegi aqparat boıynsha A-92 jáne A-93 markaly benzınniń baǵasy el boıynsha turaqtandyryldy. Dızel otyny, A-80, A-92, A-93 markaly benzınniń baǵasy Úkimettiń baqylaýynda, 2010, 2011 jáne odan keıingi jyldarda da osylaı bolady», dedi brıfıngte K. Másimov.
Premer-Mınıstrdiń aıtýynsha, Úkimet janar-jaǵarmaı baǵasyn baqylaýda ustap turý jóninde sheshim qabyldady. Endi ony jarnamalyq tártipte rásimdeıtin bolady. Osy oraıda qazirgi tańda Energetıka jáne mıneraldyq resýrstar mınıstrligi tıisti zańnama ázirlep jatyr. «Eger, janar-jaǵarmaıdyń baǵasyna qatysty qandaı da bir óńirlerde másele týyndasa, sizderden ótinemin, meni habardar etińizder», dedi Úkimet basshysy BAQ ókilderine qaratyp aıtqan sózinde.
