Úkimet jalpy quny 1,15 mlrd eýro bolatyn eýrooblıgatsııalar shyǵardy
Eýroblıgatsııalar eki transhpen shyǵaryldy. Birinshisi - aınalym merzimi 7 jyl jáne 0,6 paıyz kýpon mólsherlemesimen nomınaldyq quny 500 mln eýro somasynda, Ekinshisi - aınalym merzimi 15 jyl jáne 1,5 paıyz kýpon mólsherlemesimen nomınaldyq quny 650 mln eýro somasynda.
Qazaqstannyń eýrooblıgatsııalar boıynsha qaryz alý quny respýblıka úshin, sondaı-aq jalpy TMD aımaǵynda rekordtyq tómen deńgeıde qalyptasty. Mysaly, 7 jyldyq eýrooblıgatsııa boıynsha kýpon 0,6 paıyz deńgeıinde bolyp, BBB reıtıngi kategorııasyndaǵy damýshy elder ishindegi memlekettermen buryn qalyptastyrylǵan tarıhı tómen kýpondyq mólsherleme bolyp tabylady.
Sonymen qatar, eki transhtyń kiristiligi Qazaqstan Respýblıkasynyń eýro valıýtasyndaǵy aǵymdaǵy qısyq syzyǵyna teris syıaqyny bildirip, kredıttik reıtıngi joǵary damyǵan birqatar basqa damýshy elderdiń qataryna kiredi, bul Qazaqstanda halyqaralyq ınvestorlardyń joǵary senimi men qyzyǵýshylyǵynyń bar ekenin rastaıdy.
15-jyldyq aınalym merzimimen transh TMD aımaǵynda buryn emıtenttermen shyǵarylǵan eýroda denomınatsııalanǵan eń uzaq shyǵarylym boldy.
Bul mámile Qazaqstan Respýblıkasyna dástúrli túrde eýroǵa baǵyttalǵan ınvestorlardy tartý arqyly ınvestorlyq bazasyn dıversıfıkatsııalaýǵa múmkindik berdi. 15-jyldyq aınalym merzimimen transh shyǵarylymy arqyly Qazaqstan eýroda tabystylyq qısyǵyn uzartyp, halyqaralyq kapıtal naryǵynda óz bedelin nyǵaıtty.
Shyǵarylymnyń aldynda Londonda qarjy, ulttyq ekonomıka mınıstrlikteri, Ulttyq bank jáne «Astana» halyqaralyq qarjy ortalyǵy ókilderinen turatyn delegatsııasynyń 2-kúndik roýd-shoýy boldy.
25 qyrkúıekte praısıng bolyp, onyń nátıjesinde 110 sapaly ınvestordyń qatysýymen 2,8 mlrd eýrony quraıtyn ótinimder kitaby qalyptasty. Eýrooblıgatsııalar London qor bırjasynda jáne «Astana» halyqaralyq qarjy ortalyǵynyń bırjasynda ornalastyrylǵan.
Bul rette «Astana» halyqaralyq qarjy ortalyǵynyń bırjasynda eýrooblıgatsııalardy ornalastyrýdyń jalpy somasynan 17 paıyzdy quraıtyn 192 mln eýro jalpy somadaǵy eki transh ornalasqan.
Mámileniń halyqaralyq uıymdastyrýshylary, birlesken lıd-menedjerler men býkrannerler retinde Citi jáne Societe Generale, birlesken lıd-menedjerler retinde - UBS jáne qazaqstandyq uıymdastyrýshy – «First Heartland Securities» (FHS) boldy.
